പ്രകൃതിയുടെ കാവാലാളാവുക

എൻഡോസൾഫാൻ നിരോധിച്ചെങ്കിലും ആശങ്കകളേറെ....

2011-04-29T07:56:00.003-07:00

അവസാനം ലോക രാജ്യങ്ങളുടെ മുമ്പിൽ തല കുമ്പിട്ട് എൻഡോസൾഫാൻ നിരോധനം ഇൻഡ്യയും അംഗീകരിക്കുന്നു....ഇത്തരം വിഷയങ്ങളിൽ ലോകരാജ്യങ്ങൾ ഇന്ത്യയുടെ സ്വരത്തിനായി കാതോർത്തിരുന്ന പാരമ്പര്യമാണ്‌ നമുക്കുണ്ടായിരുന്നത്. കോർപ്പറേറ്റ് പ്രേമം തലയ്ക്ക് പിടിച്ച കേന്ദ്രസർക്കാർ ആ അവസരം കളഞ്ഞ് കുളിച്ചു.
ആഗോള തലത്തിൽ എൻഡോസൾഫാൻ നിരോധിച്ചെങ്കിലും അത് പുതിയ പേരിലും പുതിയ രൂപത്തിലും തലമുറകളുടെ വേരറുക്കാൻ വീണ്ടും പുനർജനിക്കുമെന്ന് എനിക്കാശങ്കയുണ്ട്.
അതിനാൽ നമുക്കാവിശ്യം കീടനാശിനികളെ പാടെ ഒഴിവാക്കിയുള്ള ബദൽ സംവിദാനമാണ്‌...ലാഭം മാത്രം ലക്ഷ്യം വച്ച് ഭരിക്കുന്ന സർക്കാരും കർഷക പ്രമാണി മാരും ഇതിനെത്രമാത്രം വിലകല്പ്പിക്കുമെന്ന് കാണേണ്ടിയിരിക്കുന്നു...
അതിനാൽ ഏതെങ്കിലും കുറൈ കീടനാശിനി നിരോധിച്ചത് കൊണ്ട് കാസർകോട് അവസാനിക്കുന്നില്ല. ഇന്ന് കാസർകോട്, നാളെ മറ്റൊരു ദേശവും മറ്റൊരു വിഷവും... നമുക്ക് ജാഗരൂകരായിരിക്കാം ജൈവകൃഷിയെ പ്രോത്സാഹിപ്പിക്കാം...ജനാധിപത്യത്തിൽ കരുത്ത് ജനങ്ങൾക്കാണ്‌ ആ കരുത്ത് ചോർത്താതെ നമുക്ക് മുന്നേറാം

മരണം പെയ്തിറങ്ങുമ്പോൾ.......ഇവർ ചോദിക്കുന്നു എന്തിനിത് ചെയ്യുന്നു? സുഖത്തിനും ലാഭത്തിനും പുറകെ പായുന്ന മനുഷ്യനിത് കേൾക്കാതിരിക്കരുത്!

2011-04-24T11:48:00.000-07:00

പ്രകൃതിയിന്മേലുള്ള മനുഷ്യന്റെ സമീപനം മാറ്റപ്പെടേണ്ട കാലം അതിക്രമിച്ചിരിക്കുന്നു...& സുനാമി വീഡിയോ (Tsunami Video)

2011-03-27T02:10:00.000-07:00

ലാഭവും ധനസമ്പാദനവും മാത്രം ലക്ഷ്യം വച്ച് ജീവിക്കുന്ന മനുഷ്യൻ പ്രകൃതിയിന്മേൽ അന്ധമായി നടത്തുന്ന കടന്നാക്രമണം വളരെ ക്രൂരമാണ്‌. വരുന്നൊരു തലമുറയ്ക്ക് ഇവിടം വാസം സാധ്യമാണോ എന്ന് നാം ചിന്തിക്കണം. വരു തലമുറയ്ക്ക് നല്ലൊരു ജീവിതം കെട്ടിപടുക്കുവാനുള്ള സാഹചര്യമൊരുക്കുകയാണ്‌ ഇന്നിന്റെ നമ്മുടെ കടമ.
എന്നാൽ ഇന്ന് ലോകം അഭിമുഖീകരിക്കുന്നതോ? കാലാവസ്ഥ വ്യതിയാന, ആഗോള താപനം, ഭൂകമ്പം, സുനാമി, ആർട്ടിക് മേഖലയിലെ മഞ്ഞുരുകൽ ഇങ്ങനെ തുടരുന്നു പ്രകൃതിയ്ക്ക് നാം നല്കിയ ക്ഷതങ്ങൾക്കുള്ള ഫലം. അതിനാൽ നാം വളരെ ഗഹനമായി ചിന്തിച്ച് തുടങ്ങേണ്ടിയിരിക്കുന്നു, പ്രകൃതിയോട് നാം പുലർത്തേണ്ട സമീപനത്തെ കുറിച്ച്.
ഹരിതാഭമായ ഭൂമി, ശരിയായ ഊർജ്ജ വിനിയോഗം, മലിനീകരണ നിയന്ത്രണങ്ങളിലെ കാർക്കശ്യം, ശരിയായ ജലവിനിയോഗവും ജലസംരക്ഷണവും, വന സംരക്ഷണം.....എന്നീ മേഖലകളിൽ നാം കൂടുതൽ ശ്രദ്ധ വേണ്ടിയിരിക്കുന്നു...പ്രകൃതിയ്ക്ക് നമ്മുടെ ഭാഗത്ത് നിന്ന് ക്ഷതങ്ങളല്ല വേണ്ടത് മേല്പറഞ്ഞ പ്രവർത്തനങ്ങളിലൂടെ പുത്തൻ തലോടലുകളാണ്‌ വേണ്ടത്.
ശക്തനെന്ന് അഹങ്കരിക്കുന്ന മനുഷ്യൻ പ്രകൃതി ശക്തികൾക്ക് മുന്നിൽ എന്ത്മാത്രം ദുർബലനും നിസഹായകനുമാണെന്ന് ഇതിനോടൊപ്പം ചേർത്തിരിക്കുന്ന സുനാമി വീഡിയോ ലിങ്കിൽ കണ്ട് നോക്കൂ.. മറക്കരുത് ഭൂമിക്ക് വേണ്ടത് നമ്മുടെ തലോടലുകളാണ്‌...അത്തരം പ്രവർത്തനങ്ങളിൽ അണീചേരൂ....

സബ്ഡിസി ഒഴിവാkക്കി പ്രകൃതിയെ സംരക്ഷിക്കൂ

2011-03-20T05:14:00.000-07:00

പ്രകൃതിയെ സംരക്ഷിക്കണമെന്ന് ആഗ്രഹമുണ്ടെങ്കില്‍ ലോകരാജ്യങ്ങള്‍ പെട്രോളിയം ഇന്ധനങ്ങള്‍ക്കു നല്‍കുന്ന സബ്സിഡി അവസാനിപ്പിക്കണമെന്നു രാജ്യന്തര ഉൌര്‍ജ്ജ ഏജന്‍സിയുടെ (ഐഇഎ) ആഹ്വാനം. ജി 20 സമ്മേളനങ്ങളില്‍ പങ്കെടുക്കുന്ന രാജ്യങ്ങളോടാണ് ഐഇഎയുടെ വ്യത്യസ്തമാര്‍ന്ന ഇൌ ആവശ്യം. ആഗോള സാമ്പത്തികവ്യവസ്ഥയുടെ ഉയര്‍ത്തെഴുന്നേല്‍പ്പിനും പ്രകൃതിയുടെയും ഉൌര്‍ജ്ജസംരക്ഷണത്തിന്റെയും രക്ഷയ്ക്കായാണ് ഐഇഎ ഇൌ ആവശ്യം മുന്നോട്ടുവയ്ക്കുന്നത്.

ഫോസില്‍ ഇന്ധനങ്ങള്‍ക്കു വികസ്വര രാജ്യങ്ങള്‍ ഉള്‍പ്പെടെ നല്‍കുന്ന സബ്സിഡി മൂലം ഇന്ധനങ്ങള്‍ അനാവശ്യമായി പാഴാക്കുന്ന പ്രവണത വര്‍ധിച്ചു വരികയാണ്. ഫോസില്‍ ഇന്ധനങ്ങള്‍ക്കുള്ള സബ്സിഡി ഒഴിവാക്കിയാല്‍ ഉപയോഗം കുറയുകയും വാഹനങ്ങളും യന്ത്രങ്ങളും പുറംതള്ളുന്ന ഹരിതഗൃഹവാതകങ്ങളുടെ അളവില്‍ കുറവുവരും. ഇത് അന്തരീക്ഷ മലിനീകരണത്തിന്റെ അളവ് കുറയാക്കാന്‍ സഹായിക്കും. കൂടാതെ ഇതുവഴിയുണ്ടാകുന്ന സാമ്പത്തിക ലാഭം വിവിധ സര്‍ക്കാരുകള്‍ക്കു മറ്റു വികസനമേഖലയില്‍ ഉപയോഗിക്കാന്‍ കഴിയുമെന്നും ഐഇഎ പറയുന്നു.

28 വ്യവസായവല്‍കൃത രാജ്യങ്ങളില്‍ പ്രവര്‍ത്തിക്കുന്ന ഉൌര്‍ജ്ജ വിനിയോഗ നിരീക്ഷണ കമ്മിഷനായ ഐഎഇയുടെ വാര്‍ഷിക റിപ്പോര്‍ട്ടിലാണ് ഇൌ ആവശ്യം ഉന്നയിച്ചിരിക്കുന്നത്. 2009ല്‍ 312 ബില്യണ്‍ ഡോളറാണു വിവിധ രാജ്യങ്ങള്‍ പ്രെട്രോളിയം ഉല്‍പ്പന്നങ്ങള്‍ക്കു സബ്സിഡി നല്‍കാനായി ചെലവഴിച്ചത്. എന്നാല്‍ പുനരുപയോഗിക്കാവുന്ന ഇന്ധനങ്ങള്‍ക്കു വെറും 57 ബില്യണ്‍ ഡോളര്‍ മാത്രമാണ് ചെലവഴിച്ചതെന്നും റിപ്പോര്‍ട്ടില്‍ പറയുന്നു. ഫോസില്‍ ഇന്ധനങ്ങളുടെ സബ്സിഡി 2020തോടെ പൂര്‍ണമായി അവസാനിപ്പിച്ചാല്‍ ഇന്ധനഉപയോഗത്തിന്റെ അളവ് അഞ്ചു ശതമാനം വരെ കുറയും. തന്‍മൂലം കാര്‍ബണ്‍ ബഹിര്‍ഗമനത്തിന്റെ അളവ് ആറു ശതമാനം കുറയുകയും ചെയ്യും - റിപ്പോര്‍ട്ട് പറയുന്നു. കാര്‍ബണ്‍ ബഹിര്‍ഗമനം കുറഞ്ഞ ഇന്ധനങ്ങളുടെ വ്യാപനത്തിനു സര്‍ക്കാരുകള്‍ മുന്‍കൈ എടുക്കണമെന്നു സാമ്പത്തിക വിദഗ്ധരും ചൂണ്ടിക്കാട്ടുന്നു. അതല്ലെങ്കില്‍ ഫോസില്‍ ഇന്ധനങ്ങളുടെ ഉപയോഗം മൂലം പ്രകൃതിക്കു ഹരിതഗൃഹവാതകള്‍ ഏല്‍പ്പിക്കുന്ന നഷ്ടങ്ങള്‍ക്കു പരിഹാരമായി തുക ഇൌടാക്കണമെന്നും അവര്‍ പറയുന്നു.

സാമ്പത്തികമാന്ദ്യത്തില്‍ നിന്നു ഇനിയും കരകയറിയിട്ടില്ലാത്ത പാശ്ചാത്യരാജ്യങ്ങള്‍ പുനരുപയോഗിക്കാവുന്ന ഇന്ധനങ്ങള്‍ക്കു സബ്സിഡി നല്‍കാന്‍ പണം കണ്ടെത്താന്‍ കഴിയാത്ത അവസ്ഥയിലാണ്. അതിനാല്‍ ഫോസില്‍ ഇന്ധനങ്ങള്‍ക്കുള്ള സബ്സിഡി ഘട്ടംഘട്ടമായി കുറച്ചു കൊണ്ടുവന്ന് ആ തുക പുനരുപയോഗിക്കാവുന്ന ഇന്ധനങ്ങള്‍ക്കായി അനുവദിക്കണമെന്നാണ് ഐഇഎയുടെ നിര്‍ദേശം. ഇങ്ങനെ ചെയ്താല്‍ ഫോസില്‍ ഇന്ധനങ്ങളെക്കാള്‍ കുറഞ്ഞ വിലയ്ക്കു പുനരുപയോഗിക്കാവുന്ന ഇന്ധനങ്ങള്‍ വിതരണം ചെയ്യാനും പ്രകൃതിയെ സംരക്ഷിക്കാനും കഴിയുമെന്നു ഐഇഎ വ്യക്തമാക്കുന്നു. കേപ്പന്‍ഹേഗന്‍ ഉച്ചകോടിയിലെ തീരുമാനപ്രകാരം പലരാജ്യങ്ങളും തങ്ങള്‍ പുറംതള്ളുന്ന കാര്‍ബണിന്റെ അളവ് കുറയ്ക്കാനുള്ള ശ്രമങ്ങളിലാണ്. ഇതിന്റെ ഭാഗമായി പെട്രോളിയം ഉല്‍പ്പന്നങ്ങള്‍ക്കുള്ള സബ്സിഡി ഘട്ടം ഘട്ടമായി അവര്‍ കുറയ്ക്കുമെന്നും ഐഇഎ പറയുന്നു. (ഇന്ത്യയുള്‍പ്പെടെ പലരാജ്യങ്ങളും പ്രെട്രോളിയം ഉല്‍പ്പന്നങ്ങള്‍ക്കുള്ള സബ്സിഡി നിര്‍ത്തലാക്കി കൊണ്ടിരിക്കുകയാണ്.)

ഗ്രീന് ബില്ഡിങ്ങിന്റെ പച്ചപ്പ്

2011-03-20T05:12:00.000-07:00

ഉള്ളില്‍ കടക്കുമ്പോള്‍ സന്തോഷവും ഇരുന്നു ജോലി ചെയ്യുമ്പോള്‍ ആരോഗ്യവും  പുറത്തിറങ്ങുമ്പോള്‍ സങ്കടവും തോന്നിപ്പിക്കാന്‍ കഴിയുന്ന കെട്ടിടം. ഗ്രീന്‍ ബില്‍ഡിങ്ങിനെക്കുറിച്ച് അല്‍പം ഗൃഹാതുരത്വം തുളുമ്പുന്ന നിര്‍വചനമാണിത്. ഇനി അതിന്റെ ശാസ്ത്രീയ വശം നോക്കിയാലോ? മറ്റു കെട്ടിടങ്ങളെ അപേക്ഷിച്ച് കുറഞ്ഞ അളവില്‍ വൈദ്യുതിയും വെള്ളവും ഉപയോഗിക്കുകയും കുറഞ്ഞ അളവില്‍ മാത്രം മാലിന്യം പുറന്തള്ളുകയും ജീവനക്കാര്‍ക്ക് ഏറ്റവും ആരോഗ്യകരവും സമാധാനപൂര്‍ണവുമായ അന്തരീക്ഷം ഒരുക്കുകയും ചെയ്യുന്ന ബില്‍ഡിങ് ആണിത്.

ചരിത്രവഴി
വായു കടക്കാത്ത, മുഴുവന്‍ സമയം ഫാനും ലൈറ്റും പ്രവര്‍ത്തിപ്പിക്കുന്ന ഓഫിസുകള്‍ക്കുള്ളിലിരുന്നു മടുത്തപ്പോഴാണ് ഗ്രീന്‍ ബില്‍ഡിങ് എന്ന ആശയം ഇന്ത്യയില്‍ പച്ചപിടിച്ചത്. 2001ല്‍ അമേരിക്കന്‍ പ്രസിഡന്റ് ബില്‍ ക്ളിന്റന്റെ ഇന്ത്യാ സന്ദര്‍ശനത്തിനൊപ്പമായിരുന്നു ഓഫിസുകളിലേക്ക് ഈ പച്ചപ്പിന്റെ  കുടിയേറ്റം. അധികം വൈകാതെ ഹൈദരാബാദില്‍ ഇന്ത്യന്‍ ബില്‍ഡിങ് കൌണ്‍സില്‍ രൂപം കൊണ്ടു. എത്രമാത്രം പ്രകൃതിക്ക് അനുയോജ്യമാണ് കെട്ടിടം എന്നതനുസരിച്ചാണ് ഇന്ത്യന്‍ ബില്‍ഡിങ് കൌണ്‍സില്‍  സര്‍ട്ടിഫിക്കറ്റ് നല്‍കുന്നത്. പ്ളാറ്റിനം, ഗോള്‍ഡ്, സില്‍വര്‍, സര്‍ട്ടിഫിക്കറ്റ് എന്നിങ്ങനെയാണ് ഗ്രേഡിങ്. ഇന്ത്യയില്‍ പ്ളാറ്റിനം സര്‍ട്ടിഫിക്കറ്റുകളുള്ള 20 കെട്ടിടങ്ങളുണ്ട്. ഗോള്‍ഡ് സര്‍ട്ടിഫിക്കറ്റ് കിട്ടിയതാകട്ടെ 800 കെട്ടിടങ്ങള്‍ക്കും. ജിയോജിത് പിഎന്‍ബി പാരിബ കൊച്ചിയില്‍ പണിയാന്‍ പോകുന്ന ബില്‍ഡിങ്ങ് പ്ളാറ്റിനം സര്‍ട്ടിഫിക്കറ്റാണു ലക്ഷ്യമിടുന്നതെന്ന് ജിയോജിത് അഡ്മിനിസ്ട്രേഷന്‍ ജനറല്‍ മാനേജര്‍ ഡൊമിനിക് മേച്ചേരി പറയുന്നു.

പ്രകൃതിയോടിണങ്ങാന്‍ നാലു വഴി
കാഴ്ചയില്‍ മറ്റേതൊരു കെട്ടിടത്തിനും സമാനമായിരിക്കും ഗ്രീന്‍ ബില്‍ഡിങ്ങും.  ഡിസൈനിങ്ങിലാണു വ്യത്യാസം. ഗ്രീന്‍ ബില്‍ഡിങ്ങുകളെ എവര്‍ഗ്രീന്‍ ആയാണു കണക്കാക്കുന്നത്. അതായത് ഒരിക്കല്‍ നിര്‍മിച്ച കെട്ടിടം പ്രകൃതിക്കനുയോജ്യമായി എന്നും നിലനില്‍ക്കുന്നു. കെട്ടിടം പച്ച പുതയ്ക്കുന്നതിനു നാലു കാര്യങ്ങളാണു നടപ്പാക്കേണ്ടത്.

1.പാഴാകുന്നില്ല വൈദ്യുതി
സൂര്യപ്രകാശം ധാരാളം കടത്തി വിടുകയും സൂര്യന്റെ ചൂട് പുറത്തേക്ക് പ്രതിഫലിപ്പിക്കുകയും ചെയ്യുന്ന ഡബിള്‍ ഗ്ലേസ്ഡ് ഗ്ലാസ് ആണ് ഉപയോഗിക്കുക. ഇതോടെ സൂര്യന്‍ അസ്തമിക്കുന്നതുവരെ ഒാഫിസുകളില്‍ ലൈറ്റ് ഇടേണ്ട ആവശ്യം വരുന്നില്ല. ചൂട് ഉള്ളിലേക്ക്  കടക്കാത്തതുമൂലം എസി അമിതമായി പ്രവര്‍ത്തിപ്പിക്കേണ്ടതായും വരുന്നില്ല. മേല്‍ക്കൂരയ്ക്കുമുണ്ടു പ്രത്യേകത. ചൂട് അകത്തു കടത്തിവിടാത്ത വസ്തുക്കള്‍കൊണ്ടാണ് ഇതിന്റെ നിര്‍മാണം. സിമന്റ് നിര്‍മാണത്തിലെ ഉപോല്‍പ്പന്നമായ ഫ്ലൈ ആഷ് കൊണ്ടു നിര്‍മിക്കുന്ന ഇഷ്ടികകള്‍ ഉപയോഗിച്ചു കെട്ടിടം പണിയുന്നതും ചൂടിനെ പുറത്തു നിര്‍ത്തുക എന്ന ഉദ്ദേശ്യത്തോടെയാണ്.  വരാന്തകള്‍ പോലെയുളള സ്ഥലങ്ങള്‍ വെറുതെ ഒഴിച്ചിടാതെ ലോണ്‍ പിടിപ്പിക്കും. അതും ചൂടിനെ പ്രതിരോധിക്കാനുളള ഉപായമാണ്. കെട്ടിടത്തിനുള്ളിലേക്കു കടക്കുന്ന ചൂടു  കുറയുന്നതു മൂലം വന്‍തോതിലാണു വൈദ്യുതി ലാഭിക്കാന്‍ കഴിയുന്നത്.

2.ഓരോ തുള്ളിയും അമൂല്യം
സീവേജ് ട്രീറ്റ്മെന്റ് പ്ലാന്റ് വഴി മലിനജലം ശുദ്ധീകരിച്ചാണു ടോയ്ലറ്റുകളില്‍ ഉപയോഗിക്കുന്നത്. സാധാരണ ഒറ്റത്തവണ ഫ്ലഷ് ചെയ്യാന്‍ ഒരു ബക്കറ്റോളം വെള്ളമാണ് വേണ്ടി വരിക. എന്നാല്‍ ആവശ്യത്തിനു മാത്രം വെള്ളം ഉപയോഗിക്കുന്ന തരത്തിലുളള ഫ്ലഷാണ് ഇവിടെ ഉപയോഗിക്കുക. സെന്‍സറുകള്‍ ഘടിപ്പിച്ച ടാപ്പുകള്‍ വയ്ക്കുന്നതുമൂലം താഴെ കൈ പിടിക്കുമ്പോള്‍ മാത്രമേ വെള്ളം പുറത്തേക്ക് വരൂ. ഇങ്ങനെ ടാപ്പ് ലീക്ക് മൂലമുള്ള ജലനഷ്ടം കുറയ്ക്കാം.   മഴവെള്ള സംഭരണികളില്‍ സൂക്ഷിക്കുന്ന വെള്ളം കൊണ്ട് ഓഫിസിന്റെ മുഴുവന്‍ ആവശ്യങ്ങളും നിറവേറ്റാം.

3.ഇന്‍ഡോര്‍ പ്ളാനിങ്
രാസപദാര്‍ഥങ്ങളും കഠിന ഗന്ധങ്ങളും ഇല്ലാത്ത പരിസ്ഥിതി സൌഹൃദ പെയിന്റുകളാണ് ഇവിടെ ഉപയോഗിക്കുക. ഒാഫീസിനുള്ളിലെ കാര്‍ബണിന്റെ അളവു കൂടിയാല്‍ ഫ്രഷ് എയര്‍ പുറപ്പെടുവിക്കുന്ന സിസ്റ്റവും മുഴുവന്‍ സമയവും പ്രവര്‍ത്തിക്കുന്നു.
വൈകിട്ട് ആറു മണിക്കു ശേഷം ഒരു മുറിയില്‍ രണ്ടോ മൂന്നോ പേര്‍ മാത്രമേ ജോലി ചെയ്യുന്നുള്ളുവെങ്കില്‍ അവര്‍ക്കായി എസി പ്രവര്‍ത്തിക്കില്ല. എസി ഒാട്ടോമാറ്റിക്കായി ഒാഫാകും.

4. ഔട്ട് ഡോര്‍ പ്ളാനിങ്
മഴവെള്ളം കഴിയുന്നത്ര ശേഖരിച്ച് ഭൂതലജലത്തിന്റെ അളവു കൂട്ടുന്ന മഴക്കുഴി പോലെയുളള സംവിധാനങ്ങള്‍ ഇവിടെയുണ്ട്. ബാറ്ററി കൊണ്ടു പ്രവര്‍ത്തിപ്പിക്കുന്ന കാറുകളുടെയും സ്കൂട്ടറുകളുടെയും ഉപയോഗം പ്രോല്‍സാഹിപ്പിക്കുന്നതിനായി ഇവയ്ക്കു പ്രത്യേകം പാര്‍ക്കിങ് ഏരിയ അനുവദിക്കും. പെട്രോള്‍, ഡീസല്‍ വണ്ടികള്‍ക്കു രണ്ടാം സ്ഥാനം മാത്രമാണ്.

സാമ്പത്തിക മാന്ദ്യകാലത്ത് അമേരിക്ക നടപ്പാക്കിയ കാര്‍ പൂളിങ് സംവിധാനമാണ് ഗ്രീന്‍ ബില്‍ഡിങ്ങില്‍   നടപ്പാക്കുന്നത്. അതായത്, ഒരു സ്ഥലത്തു നിന്നു  മൂന്നോ നാലോ പേര്‍ ഒാഫിസിലേക്ക് വരുന്നെങ്കില്‍ ഒാരോരുത്തരും പ്രത്യേകം വണ്ടി എടുക്കാതെ എല്ലാവരും കൂടി ഒറ്റ വണ്ടിയില്‍ എത്തുന്ന  സംവിധാനമാണിത്. ഇന്ധനച്ചെലവു വന്‍ തോതില്‍ കുറയ്ക്കാനാകും.

ഇങ്ങനെ കുറഞ്ഞ അളവില്‍ മാത്രം മാലിന്യം പുറന്തള്ളുകയും ജീവനക്കാര്‍ക്ക് ഏറ്റവും ആരോഗ്യകരമായ അന്തരീക്ഷം ഒരുക്കുകയുമാണു ഗ്രീന്‍ ബില്‍ഡിങ്ങുകളുടെ ലക്ഷ്യം.  തുടക്കത്തില്‍ ചെലവു കൂടുമെങ്കിലും വൈദ്യുതി, വെള്ളം ഇനത്തില്‍ത്തന്നെ ഭാവിയില്‍ വന്‍ തുക ലാഭിക്കാനാകും. ആരോഗ്യകരമായ അന്തരീക്ഷത്തില്‍ ജോലി ചെയ്യുന്ന ജീവനക്കാര്‍ കമ്പനിക്കു തിരിച്ചു കൊടുക്കുന്ന ലാഭ വിഹിതം ഇതിലും എത്രയധികമായിരിക്കും!

കാവും കണ്ടല്ക്കാടും സംരക്ഷിച്ചാല് കാശ്!

2011-03-20T05:10:00.000-07:00

നിങ്ങളുടെ ഭൂമിയില്‍ കാവോ കണ്ടല്‍ക്കാടോ ഉണ്ടോ? എങ്കില്‍ അവ സ്ഥിര വരുമാനം നേടിത്തരാന്‍ പോകുന്നു. കാവിന്റെയും കണ്ടല്‍ക്കാടിന്റെയും വലുപ്പത്തിനനുസരിച്ചു വരുമാനം ലഭിക്കുന്ന ആകര്‍ഷകമായ പദ്ധതി അവതരിപ്പിക്കുകയാണു സംസ്ഥാന വനം വകുപ്പ്.

സംസ്ഥാനത്ത് ഒരു സെന്റ് മുതല്‍ 20 ഹെക്ടര്‍ വരെ വിസ്തൃതിയുള്ള 1,500 കാവുകളുണ്ട്. മൊത്തം വിസ്തൃതി 241 ഹെക്ടര്‍. സ്വകാര്യഭൂമിയിലെ കണ്ടല്‍ക്കാടുകളുടെ വിസ്തൃതി 20 ചതുരശ്ര കിലോമീറ്റര്‍ വരും. സുപ്രധാന ജൈവവൈവിധ്യ മേഖലകളായ കാവും കണ്ടല്‍ക്കാടുകളും നശിപ്പിക്കാതിരിക്കാനാണ് ഉടമകള്‍ക്കു പ്രതിഫലം നല്‍കാന്‍ വനം വകുപ്പ് തീരുമാനിച്ചിരിക്കുന്നതെന്നു പ്രിന്‍സിപ്പല്‍ ചീഫ് കണ്‍സര്‍വേറ്റര്‍ ടി.എം. മനോഹരന്‍ പറഞ്ഞു. സംസ്ഥാന വനംവകുപ്പ് ഇതിനായി നല്‍കിയ പദ്ധതി കേന്ദ്ര സര്‍ക്കാര്‍ അംഗീകരിച്ചെന്നും ഇൌ വര്‍ഷം കാവിനും കണ്ടല്‍ക്കാടിനും 40 ലക്ഷം രൂപവീതം അനുവദിച്ചെന്നും അദ്ദേഹം അറിയിച്ചു. പണം നല്‍കുന്നതിന്റെ പേരില്‍ വനംവകുപ്പിന്റെ ഒരു നിയന്ത്രണവും ഇൌ സ്ഥലങ്ങളില്‍ ഉണ്ടാകില്ല.

വനം വകുപ്പിന് ഇൌ പദ്ധതിയിലൂടെ വലിയ ലാഭമുണ്ട്. സംസ്ഥാനത്ത് ഇത്രയും ഹെക്ടര്‍ വനം പുതിയതായി ഉണ്ടാക്കുകയും സംരക്ഷിക്കുകയും ചെയ്യുന്നതിന് എത്രയോ വലിയ ചെലവാണു വരിക. മാത്രമല്ല 50 വര്‍ഷമെങ്കിലും കാത്തിരിക്കാതെ വനം രൂപപ്പെടുകയുമില്ല. എന്നിരുന്നാലും ഇത്ര സ്വാഭാവികമായ ജൈവവ്യവസ്ഥ അവിടെ ഉണ്ടാവുകയുമില്ല.

മാലിന്യക്കൂമ്പാരമാകുന്ന ഭൂമി

2011-03-20T05:08:00.000-07:00

നമ്മുടെ പ്രകൃതിയെ നാം തന്നെ പരുക്കേല്‍പ്പിച്ചുകൊണ്ടിരിക്കുന്നു. ഭുമിയില്‍ നിറയുന്ന മാലിന്യങ്ങള്‍ ഏതൊക്കെ തരത്തില്‍ നമ്മുടെ ജീവിതത്തെ പ്രതികൂലമായി ബാധിക്കുന്നു എന്ന തിരിച്ചറിവില്ല എന്നതാണ് ഏറ്റവും ഗുരുതരമായ പ്രശ്നം.
ചുറ്റുപാടിന്റെ സ്വാഭാവിക പ്രക്രിയയ്ക്കു പരുക്കേല്‍പ്പിക്കുന്നതാണ് മലിനീകരണം. മലിനീകരണം രണ്ടു രീതിയില്‍ സംഭവിക്കുന്നു. ഒന്ന് ഉരുള്‍പ്പൊട്ടല്‍, വെള്ളപ്പൊക്കം പോലുള്ള പ്രകൃത്യാലുള്ള സംഭവങ്ങള്‍. രണ്ടാമത്തേത് മനുഷ്യന്റെ നേരിട്ടുള്ള ഇടപെടല്‍ മൂലമുണ്ടാകുന്നു. ഇങ്ങനെയുള്ള മലിനീകരണം വളരെ കൂടുതലും ആപല്‍ക്കരവുമാണ്.
ജലമലിനീകരണം
ജലവുമായി മനുഷ്യന്‍ അഭേദ്യമായി ബന്ധപ്പെട്ടിരിക്കുന്നു. ഭൂമിയിലെ ജീവന്റെ ആദ്യസ്പന്ദനം വരെ ജലത്തില്‍ ആയിരുന്നല്ലോ? ഇങ്ങനെയുള്ള ജലം മലിനമാകുന്നത് മനുഷ്യനെ പ്രതികൂലമായി ബാധിക്കുമെന്നതില്‍ തര്‍ക്കമില്ല.
വ്യവസായശാലകളില്‍നിന്നു മാലിന്യങ്ങള്‍ നേരിട്ട് സമീപ ജലാശയത്തിലേക്ക് ഒഴുക്കുന്നു. പുകക്കുഴലിലൂടെ എത്തുന്ന അമ്ളഗുണമുള്ള വാതകങ്ങള്‍ അമ്ളമഴയായി മാറി ജലത്തെ മലിനമാക്കുന്നു. നൈട്രജന്റെയും സള്‍ഫറിന്റെയും ഒാക്സൈഡുകളാണ് അമ്ളമഴയ്ക്കു നിദാനം. കൃഷിയിടത്തില്‍നിന്നുള്ള മാലിന്യങ്ങള്‍ തടാകങ്ങളെയും നദികളെയും നേരിട്ട് മലിനമാക്കും. ഗാര്‍ഹിക മാലിന്യങ്ങള്‍ ഒാടയിലൂടെ എത്തുന്നതും സമീപത്തെ ജലാശയങ്ങളില്‍തന്നെ. ഇങ്ങനെ ഒരേസമയം പല മേഖലകളില്‍നിന്നുള്ള മലിനീകരണം ജലത്തിന്റെ രാസ  ഭൌതിക  ജൈവഗുണങ്ങളെ തിരുത്തി എഴുതുന്നു. വടക്കേ ഇന്ത്യയിലെ ഗംഗയും യമുനയും ഇത്തരത്തില്‍ വളരെയേറെ മലീമസമായ ജലസ്രോതസുകളാണ്. യുദ്ധത്തിന്റെയും എണ്ണപര്യവേഷണത്തിന്റെയും സ്വാധീന ഫലമായി കടലിന്റെ മേല്‍പ്പരപ്പില്‍ പാടപോലെ എത്തുന്ന എണ്ണയും ഗൌരവശ്രദ്ധയാകര്‍ഷിക്കുന്നു.
ലോകത്താകമാനം നൂറുകോടിയോളം ജനങ്ങള്‍ക്ക് കുടിക്കാനുള്ള ശുദ്ധജലം ഇപ്പോഴും ലഭ്യമാകുന്നില്ല എന്നാണ് കണക്ക്. ഇതിന്റെ ഫലമായി പ്രതിവര്‍ഷം 3.3 ദശലക്ഷം മരണങ്ങള്‍ മലിനജലം കുടിക്കുന്നതിലൂടെ സംഭവിക്കുന്നു.

വായുമലിനീകരണം
സസ്യജന്തുജാലങ്ങളുടെ നിലനില്‍പ്പിനും പ്രവര്‍ത്തനത്തിനും ഹാനികരമായ രീതിയില്‍ വായുവിന്റെ സ്വാഭാവിക ചേരുവയ്ക്കു മാറ്റം വരുന്നതിനെ വായുമലിനീകരണം എന്നുപറയാം. അര്‍ബുദമടക്കമുള്ള രോഗങ്ങള്‍ക്കു വായുവിലെ രാസമാലിന്യങ്ങള്‍ കാരണമാകുന്നു. വ്യവസായശാലകള്‍, വാഹനങ്ങള്‍ എന്നിവയുടെ പുകക്കുഴലില്‍നിന്നു പുറംതള്ളുന്നത് അപകടകരമായ രാസവസ്തുക്കളാണ്.
താപവൈദ്യുത നിലയങ്ങളും വായുമലിനീകരണത്തിന്റെ മറ്റൊരു മുഖ്യ സ്രോതസാണ്. വായുമലിനീകരണം വഴി അന്തരീക്ഷത്തിലെ കാര്‍ബണ്‍ ഡൈഒാക്സൈഡിന്റെ അളവ് വര്‍ധിച്ച് ഹരിതഗൃഹപ്രഭാവം മുഖേന അന്തരീക്ഷ താപനില വര്‍ധിക്കും. ഇത്തരത്തില്‍ താപനില കൂടിയാല്‍ ധ്രുവപ്രദേശങ്ങളിലെ മഞ്ഞുപാളികള്‍ ഉരുകി സമുദ്രജലനിരപ്പ് ക്രമാതീതമായി ഉയരും. ചെറിയതോതില്‍ ഉയര്‍ന്നാല്‍പോലും സമുദ്രതീരപ്രദേശത്ത് സ്ഥിതിചെയ്യുന്ന കേരളം, മുംബൈ തുടങ്ങിയ ചില സ്ഥലങ്ങളെങ്കിലും വെള്ളത്തിലടിയിലാകാനുള്ള സാധ്യത തള്ളിക്കളയാനാകില്ല.

മണ്ണ് മലിനീകരണം
വ്യവസായശാലകള്‍, കാര്‍ഷിക രാസവളപ്രയോഗം, നഗരമാലിന്യം, പ്ളാസ്റ്റിക്കുകള്‍ എന്നിവ മണ്ണിന്റെ സ്വാഭാവിക വിതാനത്തെ ക്ഷയിപ്പിക്കുന്നു. മണ്ണൊലിപ്പുമൂലവും മണ്ണിന്റെ സ്വാഭാവികതയ്ക്കു മാറ്റം വരുന്നുണ്ട്.
ഫലഭൂയിഷ്ഠവും ജൈവസമ്പുഷ്ടവുമായ മണ്ണ് ഒരു ജനതയുടെ ഐശ്വര്യപൂര്‍ണമായ ഭാവിയെ സൂചിപ്പിക്കുന്നു. മണ്ണ് ഒരു നിര്‍ജീവ വസ്തുവല്ല. ലക്ഷക്കണക്കിനു സൂക്ഷ്മാണുക്കളുടെ വാസസ്ഥലംകൂടിയാണ്. ബാക്ടീരിയപോലുള്ള സൂക്ഷ്മാണുക്കളുടെ ജോലി ജൈവവസ്തുക്കളെ ചീയലിന് വിധേയമാക്കി മണ്ണില്‍ ലയിപ്പിക്കുകയെന്നതാണ്. എന്നാല്‍ മണ്ണില്‍ നിരന്തരം എത്തുന്ന രാസവസ്തുക്കള്‍ ഇത്തരം ജൈവസംസ്കരണത്തെ ഇല്ലാതാക്കുന്നു.കാര്‍ഷികാവശ്യങ്ങള്‍ക്ക് ഉപയോഗിക്കുന്ന രാസവളം, കീടനാശിനികള്‍ എന്നിവ സൃഷ്ടിക്കുന്ന ദൂരവ്യാപകമായ ഫലങ്ങളും ആശങ്കയുണര്‍ത്തുന്നു. വ്യവസായ വികസനവും നഗരവല്‍ക്കരണവും വരുത്തിവച്ച വിനയായി ലോകം മലിനീകരണത്തെ കാണുന്നു.
അപകടകാരികള്‍, ഹൈടെക് മാലിന്യങ്ങള്‍
നവസാങ്കേതിക വിദ്യയുടെ ഫലമായി ഉടലെടുക്കുന്നവയെ അപകടകാരിയായ മാലിന്യങ്ങള്‍ (ണ്ണന്റന്മന്റത്സഗ്ന്രഗ്മന്ഥ ല്‍ന്റന്ഥന്ധന്) എന്നാണു സൂചിപ്പിക്കാറുള്ളത്. സാധാരണ മാലിന്യത്തെക്കാളും വളരെ ഉയര്‍ന്ന ശതമാനത്തിലാണ് ഇത്തരം മാലിന്യങ്ങള്‍ ഭൂമുഖത്ത് അടിഞ്ഞുകൂടിക്കൊണ്ടിരിക്കുന്നത്. പരിസ്ഥിതിയെയും സസ്യജീവജാലങ്ങളെയും പ്രതികൂലമായി ബാധിക്കുന്ന തരത്തില്‍ ഭൌതിക  രാസ സ്വഭാവമുള്ള ഇത്തരം മാലിന്യങ്ങളുടെ സംസ്കരണവും പുനരുപയോഗവും അതീവ സങ്കീര്‍ണമായ പ്രക്രിയയാണ്. ന്യൂക്ളിയര്‍ മാലിന്യം, ബയോ മെഡിക്കല്‍ മാലിന്യം, പ്ളാസ്റ്റിക് മാലിന്യം, ഇലക്ട്രോണിക് മാലിന്യം തുടങ്ങിയവ ഇൌ ഗണത്തില്‍ പെടുന്നു.

ന്യൂക്ളിയര്‍ മാലിന്യങ്ങള്‍
വൈദ്യുതോര്‍ജത്തില്‍ വന്‍ കമ്മി നേരിടുന്ന സാഹചര്യത്തില്‍ ആണവ നിലയങ്ങളെ ഉൌര്‍ജാവശ്യത്തിനായി കൂടുതല്‍ ഉപയോഗിച്ചുതുടങ്ങി. വൈദ്യുതോല്‍പാദനശേഷം പുറന്തളളുന്ന മാലിന്യത്തില്‍ അണു പ്രസരണമുള്ള പദാര്‍ഥങ്ങള്‍ അടങ്ങിയിട്ടുണ്ട്. ഇത്തരം അവശിഷ്ടങ്ങളുടെ കൈകാര്യം ചെയ്യലിനു വിശ്വസനീയമായ മാര്‍ഗങ്ങള്‍ ഒന്നുംതന്നെ ഉരുത്തിരിഞ്ഞിട്ടില്ല.
1979ല്‍ അമേരിക്കയിലെ ത്രീമൈല്‍ ഐലന്‍ഡിലും 1986ല്‍ റഷ്യയിലെ ചെര്‍ണോബിലും സംഭവിച്ച അപകടം മാനവരാശിയെ ഞെട്ടിപ്പിച്ചിരുന്നു. 31 പേര്‍ മരിച്ച ചെര്‍ണോബില്‍ അപകടത്തിന്റെ ദുരന്തഫലം 50 വര്‍ഷത്തോളം ആ ഭാഗത്ത് തുടരുമെന്ന് ഭയക്കുന്നു. ആണവ റിയാക്ടറിലേക്കു വേണ്ടിയുള്ള ഇന്ധനങ്ങള്‍ നിര്‍മിക്കുന്ന വേളയിലും മലിനീകരണത്തോത് വളരെയധികമാണ്. ആണവ റിയാക്ടറില്‍നിന്നുള്ള മാലിന്യങ്ങള്‍ സംസ്കരിക്കാന്‍ പഴുതുകളില്ലാത്തതായ സംവിധാനം രൂപപ്പെടുന്നതുവരെ ആപല്‍ഘട്ടത്തിലാണു നാം ജീവിക്കുന്നത് എന്നു പറയേണ്ടിവരും. ഒരു ടണ്‍ യൂറേനിയത്തില്‍ 1,000 ടണ്‍ കല്‍ക്കരിയില്‍നിന്നു ലഭിക്കുന്നതിനേക്കാള്‍ കൂടിയ അളവില്‍ ഉൌര്‍ജം ലഭിക്കുമെങ്കിലും ആയിരം ടണ്‍ കല്‍ക്കരിക്കു സൃഷ്ടിക്കാന്‍ സാധിക്കുന്ന ആഘാതത്തിന്റെ എത്രയോ ഇരട്ടി ആഘാതം ഒരു നിമിഷാര്‍ധത്തെ ആണവ കൈപ്പിഴയ്ക്ക് സൃഷ്ടിക്കാന്‍ സാധിക്കുമെന്നത് ഭീതിയോടെ മാതമേ ചിന്തിക്കാന്‍ സാധിക്കുകയുള്ളൂ.
ബയോ മെഡിക്കല്‍ മാലിന്യം
ആശുപത്രികളില്‍നിന്നും മെഡിക്കല്‍ ലാബുകളില്‍നിന്നും പുറന്തള്ളുന്ന മാലിന്യങ്ങള്‍ ചെറിയൊരളവിലാണ് നഗരമാലിന്യങ്ങളില്‍ എത്തുന്നതെങ്കില്‍ പോലും ഗുരുതരമായ ആരോഗ്യ പ്രത്യാഘാതങ്ങളുണ്ടാക്കും. ശസ്ത്രക്രിയയ്ക്ക് ഉപയോഗിക്കുന്ന കത്തി, ഇന്‍ജക്ഷന്‍ മരുന്നിന്റെ സ്ഫടികക്കുപ്പി, മുറിവു തുന്നിക്കെട്ടിയ ശേഷമുള്ള അവശിഷ്ടങ്ങള്‍, ശസ്ത്രക്രിയാനന്തരം മുറിച്ചുമാറ്റപ്പെട്ട ശരീരഭാഗങ്ങള്‍, പരിശോധനയ്ക്കായി ശേഖരിക്കുന്ന രക്തസാംപിളുകള്‍, സിറിഞ്ച്, ബ്ളഡ് ബാഗുകള്‍ എന്നിവ ഇത്തരം മാലിന്യത്തില്‍ പെടുന്നു.
ഹെല്‍ത്ത് സര്‍വീസ് ഡയറക്ടര്‍ ജനറലിന്റെ 1993ലെ കണക്കു പ്രകാരം തന്നെ ഇന്ത്യയില്‍ പ്രതിവര്‍ഷം 54,000 ടണ്‍ ബയോ മെഡിക്കല്‍ മാലിന്യം പുറന്തള്ളുന്നുണ്ട്. ആശുപത്രികളുടെ എണ്ണത്തില്‍ വന്‍ വര്‍ധനയുണ്ടായി. ഒരു കിടക്ക പ്രതിദിനം ശരാശരി 150 മുതല്‍ 500 ഗ്രാം വരെ ബയോ മെഡിക്കല്‍ മാലിന്യം സൃഷ്ടിക്കുന്നുണ്ട്. ആശുപത്രിയുടെ വലുപ്പത്തിനും സ്ഥിതിചെയ്യുന്ന സ്ഥലത്തിനും അനുസരിച്ച് ഇൌ കണക്കു വ്യത്യാസപ്പെടാം. 150 ഗ്രാം എന്ന തോതില്‍ കണക്കാക്കിയാല്‍ തന്നെ 400 കിടക്കകളുള്ള ആശുപത്രി പ്രതിദിനം 60 കി. ഗ്രാം മാലിന്യമാണ് കുന്നുകൂട്ടുന്നത്. പ്രതിവര്‍ഷം 21,900 കി. ഗ്രാം!

പ്ളാസ്റ്റിക് മാലിന്യം
പത്തൊന്‍പതാം നൂറ്റാണ്ടിന്റെ അവസാന ഘട്ടത്തില്‍ കണ്ടുപിടിക്കപ്പെട്ട പ്ളാസ്റ്റിക് ഇന്ന് സര്‍വമേഖലയിലും അനിവാര്യഘടകമായിരിക്കുന്നു. അലക്ഷ്യമായി കൈകാര്യം ചെയ്യുന്ന പൊളിത്തീന്‍ ക്യാരിബാഗുകള്‍ മുതല്‍ ജീവന്‍ രക്ഷിക്കുന്ന കൃത്രിമ ഹൃദയവാല്‍വു വരെ പ്ളാസ്റ്റിക്കിന്റെ പല വകഭേദങ്ങള്‍. പ്ളാസ്റ്റിക്കിന്റെ സാന്നിധ്യം മണ്ണിന്റെ ഘടനയെയും കത്തിച്ചാല്‍ അന്തരീക്ഷത്തിന്റെ ഘടനയെയും സാരമായി ബാധിക്കും.
നിര്‍മാണത്തിലും ഉപയോഗത്തിലും പ്ളാസ്റ്റിക് പെട്ടെന്നു വഴങ്ങുമെങ്കിലും ഉപയോഗകാലശേഷം പ്രകൃതിയോടിണങ്ങാന്‍ അഥവാ ജൈവ വിഘടനത്തിനു വിധേയമാകാന്‍ മടിക്കും. നൂറ്റാണ്ടുകള്‍ കഴിഞ്ഞാലും അതേപടി നിലനില്‍ക്കും. കണ്ടുപിടിച്ച കാലത്തു വാഴ്ത്തപ്പെട്ട ഡിഡിടിയും സിഫ്സിയും പോലെ പ്ളാസ്റ്റിക്കും ഇന്നു ഭൂമിയുടെ പാരിസ്ഥിതിക സന്തുലനത്തെ അട്ടിമറിക്കുന്ന കാഴ്ചയാണ് കാണുന്നത്. പിവിസി പോലുള്ള പ്ളാസ്റ്റിക്കുകള്‍ കത്തിക്കുമ്പോള്‍ ഡയോക്സിന്‍ ഉല്‍പാദിപ്പിക്കപ്പെടും. കാന്‍സറിനു കാരണമായ ഇൌ വിഷവാതകം ഇന്ന് ലോകമാകമാനം ഒരു പ്രതിസന്ധി തന്നെയാണ്. ശരീരത്തിലെ കൊഴുപ്പില്‍ അടിഞ്ഞുകൂടുന്ന ഡയോക്സിന്‍ ജനിതക വൈകല്യങ്ങള്‍ക്കു വരെ കാരണമാകാം.

തിരിച്ചറിയാനാകാത്തവിധം പ്ളാസ്റ്റിക് മാലിന്യത്താല്‍ മൂടപ്പെട്ടുകൊണ്ടിരിക്കുന്ന ഭൂമിയെ ഒാര്‍ത്ത് കവി പി. കുഞ്ഞിരാമന്‍ നായരുടെ പാരിസ്ഥിതിക നിരീക്ഷണം നോക്കുക.

'''ഇൌര്‍ച്ച കമ്പനിയായ് മാറി
ഋഷി വാണ തപോവനം
പൊങ്ങി പെറ്റമ്മതന്‍ സ്ഥാന
ത്തൊരു പ്ളാസ്റ്റിക് സുന്ദരി

ഇ-മാലിന്യം
ഭാവിയില്‍ നഗര  ഗ്രാമ മാലിന്യമാനേജ്മെന്റില്‍ ഏറ്റവുമധികം അപകടമുണ്ടാക്കാന്‍ സാധ്യതയുള്ളതും അതോടൊപ്പം സങ്കീര്‍ണമായ സംസ്കരണ മാര്‍ഗങ്ങളിലേക്കു സര്‍ക്കാര്‍ സ്ഥാപനങ്ങളെ നിര്‍ബന്ധിതരാക്കുകയും ചെയ്യുന്നതാണ് ഇലക്ട്രോണിക് മാലിന്യം അഥവാ 'ഇ-മാലിന്യം. ഉപയോഗകാലം കഴിഞ്ഞോ അല്ലാതെയോ ഉപേക്ഷിച്ച ഇലക്ട്രിക്/ഇലക്ട്രോണിക് ഉപകരണത്തെയോ ഭാഗത്തെയോ ഇ-മാലിന്യം അല്ലെങ്കില്‍ 'ഇ-വേസ്റ്റ് എന്നു പറയാം. ടെലിവിഷന്‍, കംപ്യൂട്ടര്‍, ടേപ്പ് റെക്കോര്‍ഡര്‍, വിസിആര്‍, മൊബൈല്‍ ഫോണ്‍ തുടങ്ങി ഹൈടെക് കളിപ്പാട്ടങ്ങള്‍ വരെ ഇക്കൂട്ടത്തില്‍പ്പെടുന്നു. ടെലിവിഷന്‍  കംപ്യൂട്ടര്‍ മോണിറ്ററുകളും ബാറ്ററിയുമാണ് ഇമാലിന്യത്തില്‍ അപകടത്തിലും അളവിലും ഏറെ മുന്നില്‍. കംപ്യൂട്ടര്‍/ടെലിവിഷന്‍ മോണിറ്ററില്‍ രണ്ടു കിലോഗ്രാമോളം ലെഡ് (ഇൌയം) അടങ്ങിയിട്ടുണ്ട്. ഇതുകൂടാതെ കാഡ്മിയം, ക്രോമിയം, ടിന്‍, മെര്‍ക്കുറി, ആഴ്സനിക്, കോബാള്‍ട്ട്, നിക്കല്‍ തുടങ്ങി 100 ലേറെ അപകടകരമായ മൂലകങ്ങളോ സംയുക്തങ്ങളോ ഇതില്‍ അടങ്ങിയിരിക്കുന്നു. ശ്വാസകോശം, തലച്ചോറ്, ആമാശയം എന്നിവയ്ക്ക് കടുത്ത രോഗഭീഷണി ഉയര്‍ത്തുന്ന ഇവ അര്‍ബുദത്തിനു വരെ വഴിമരുന്നിടാം. ചെറിയൊരളവില്‍ ശരീരത്തിലെത്തിയാല്‍ തന്നെ ലെഡ് നാഡീവ്യൂഹത്തിനും രക്തചംക്രമണത്തിനും കിഡ്നിക്കും സാരമായ കേടുപാടുകള്‍ സൃഷ്ടിക്കും. കുട്ടികളുടെ ബുദ്ധിവികാസത്തെയും ഇതു പ്രതികൂലമായി ബാധിക്കുന്നു.

പ്ലാസ്റ്റിക്കിന്റെ കഥ

2011-03-20T05:02:00.000-07:00

പ്ളാസ്റ്റിക് ഇല്ലാത്ത ഒരു ലോകത്തെപ്പറ്റി നമുക്കു ചിന്തിക്കാന്‍ കഴിയുമോ? ഇല്ലേയില്ല എന്നാവും ഉത്തരമെന്നു തീര്‍ച്ച. സാധാരണ പ്ളാസ്റ്റിക് കാരിബാഗുകള്‍ മുതല്‍ ബഹിരാകാശരംഗം വരെ പ്ളാസ്റ്റിക് ആധിപത്യം ഉറപ്പിച്ചുകഴിഞ്ഞു. ഒരാഴ്ചകൊണ്ടുതന്നെ വീട്ടിലെത്തിച്ചേരുന്ന പ്ളാസ്റ്റിക് വസ്തുക്കള്‍ എത്രമാത്രമുണ്ടെന്നു ഒന്നാലോചിച്ചുനോക്കൂ. പ്ളാസ്റ്റിക് സഞ്ചികള്‍, മിഠായിക്കടലാസ്, പായ്ക്കറ്റുകള്‍... അങ്ങനെയെന്തെല്ലാം.

ഇനി വീട്ടിലുപയോഗിക്കുന്ന പ്ളാസ്റ്റിക് ഉപകരണങ്ങളുടെ കണക്കുകൂടി ഒന്നെടുത്തു നോക്കൂ. നിങ്ങളുടെ പേനയിലും ടൂത്ത് ബ്രഷിലും മുതല്‍ കംപ്യൂട്ടറില്‍വരെയുണ്ടു പ്ളാസ്റ്റിക്കിന്റെ സാന്നിധ്യം. എന്തും ഉപയോഗത്തിനുശേഷം വലിച്ചെറിയുന്ന ശീലമുള്ള നമ്മള്‍ പ്ളാസ്റ്റിക്കിന്റെ കാര്യത്തിലും അതുതന്നെ ചെയ്യുന്നു. അപ്പൂപ്പന്‍താടിപോലെ പാറിനടക്കുന്ന പ്ളാസ്റ്റിക് സഞ്ചികളും ജലാശയങ്ങളിലൊഴുകി നടക്കുന്ന പ്ളാസ്റ്റിക് കുപ്പികളും കപ്പുകളുമൊക്കെ നമ്മുടെ വലിച്ചെറിയല്‍ സംസ്കാരത്തിന്റെ ബാക്കി പത്രം തന്നെ.

പ്ളാസ്റ്റിക്കോസ് (ണ്മlന്റന്ഥന്ധദ്ധ്യഗ്നന്ഥ) എന്ന ഗ്രീക്ക് പദത്തില്‍നിന്നാണ് പ്ളാസ്റ്റിക് എന്ന വാക്കിന്റെ ഉത്ഭവം. പ്ളാസ്റ്റിക്കോസ് എന്ന വാക്കിന്റെ അര്‍ഥമാവട്ടെ രൂപപ്പെടുത്തിയെടുക്കുക (ന്ധഗ്ന ന്ഥhന്റണ്മന്) എന്നും. ഇന്നു നാമുപയോഗിക്കുന്ന മിക്ക പ്ളാസ്റ്റിക്കുകളും കൃത്രിമമായി നിര്‍മിച്ചെടുത്തിട്ടുള്ള പോളിമറുകളാണ്. പ്രകൃതിവാതകം(nന്റന്ധഗ്മത്സന്റl ദ്ദന്റന്ഥ), പെട്രോളിയം എന്നിവയൊക്കെയാണു പ്ളാസ്റ്റിക് നിര്‍മാണത്തിനു വേണ്ട അസംസ്കൃത വസ്തുക്കള്‍.

ഭൂമിക്ക് ഒഴിയാബാധ
കയ്ച്ചിട്ട് ഇറക്കാനും വയ്യ, മധുരിച്ചിട്ട് തുപ്പാനും വയ്യ എന്നതാണു പ്ളാസ്റ്റിക്കിനെ സംബന്ധിച്ചു നമ്മുടെ സ്ഥിതി. അലക്ഷ്യമായി വലിച്ചെറിയുന്ന പ്ളാസ്റ്റിക് കൂടുകളും കുപ്പികളുംമുതല്‍ ഇലക്ട്രോണിക് മാലിന്യങ്ങളില്‍ (ഇ- മാലിന്യങ്ങള്‍) അടങ്ങിയിരിക്കുന്ന പ്ളാസ്റ്റിക്കുകള്‍വരെ പരിസ്ഥിതിയെ മലിനമാക്കിക്കൊണ്ടിരിക്കുന്നു. ഇന്ത്യയുടെ പ്ളാസ്റ്റിക് ഉപയോഗം പ്രതിവര്‍ഷം 80 ലക്ഷം ടണ്ണിനടുത്ത് എത്തിയിട്ടുണ്ടെന്നാണു കണക്കുകള്‍ സൂചിപ്പിക്കുന്നത്. ഇതുവരെ ഉപേക്ഷിക്കപ്പെട്ട കംപ്യൂട്ടറുകളില്‍നിന്നു മാത്രം 28.7 ലക്ഷം ടണ്‍ പ്ളാസ്റ്റിക് ഭൂമിയില്‍ കലര്‍ന്നിട്ടുണ്ടെന്നു കണക്കുകള്‍ പറയുന്നു. നൂറ്റാണ്ടുകളോളം മണ്ണില്‍ ജൈവവിഘടനത്തിനു വിധേയമാവാതെ കിടക്കും ഇൌ ഭീകരന്‍.
കണ്ടുപിടിക്കപ്പെട്ട കാലത്ത് അത്ഭുതവസ്തു എന്നു വാഴ്ത്തപ്പെട്ട പ്ളാസ്റ്റിക് പരിസ്ഥിതിയുടെയും ആവാസ വ്യവസ്ഥയുടെയും താളംതെറ്റിച്ച് ഭൂമിയെകൊണ്ടുചെന്നെത്തിക്കുന്നത് ഒരു ആത്മഹത്യാമുനമ്പിലേക്കാണ്. പ്ളാസ്റ്റിക്കുകള്‍ മണ്ണിലെ വായുസഞ്ചാരവും മണ്ണിന്റെ ജലസംഭരണശേഷിയും കുറയ്ക്കും. സൂക്ഷ്മജീവികളുടെ വളര്‍ച്ചമുതല്‍ സസ്യവളര്‍ച്ചയെവരെ ഇത് പ്രതികൂലമായി ബാധിക്കും. നാം ചുറ്റുപാടും വലിച്ചെറിയുന്ന പ്ളാസ്റ്റിക് പാഴ്വസ്തുക്കളില്‍ കെട്ടിക്കിടക്കുന്ന വെള്ളം കൊതുകുകള്‍ക്കും രോഗാണുക്കള്‍ക്കും പെരുകാനുള്ള അനുകൂല സാഹചര്യംകൂടി ഒരുക്കിക്കൊടുക്കുന്നു.

കടലിനും ശത്രുവായി
മണ്ണിനെ മാത്രമല്ല ജലാശയങ്ങളെയും കാര്‍ന്നുതിന്നുകൊണ്ടിരിക്കുകയാണ് പ്ളാസ്റ്റിക്കുകള്‍. ലോകമെങ്ങുമുള്ള സമുദ്രങ്ങള്‍ അക്ഷരാര്‍ഥത്തില്‍ പ്ളാസ്റ്റിക് മാലിന്യങ്ങളുടെ കുപ്പത്തൊട്ടിയായി മാറിക്കഴിഞ്ഞിരിക്കുന്നു. ഞ്ഞന്ഥണ്മന്ത്സന്റnന്മന്റ എന്ന കപ്പലില്‍ ഗ്രീന്‍ പീസ് പ്രവര്‍ത്തകര്‍ പസിഫിക് സമുദ്രത്തിലൂടെ സഞ്ചരിച്ചു നടത്തിയ പഠനങ്ങള്‍ നല്‍കുന്ന വിവരങ്ങള്‍ ഞെട്ടിപ്പിക്കുന്നതാണ്. ഏതാണ്ട് 267 വര്‍ഗങ്ങളില്‍ പെടുന്ന ജീവികള്‍ പ്ളാസ്റ്റിക് മലിനീകരണത്തിന്റെ ഭീഷണി നേരിട്ടുകൊണ്ടിരിക്കുന്നു. ഇതില്‍ സൂക്ഷ്മപ്ളവകങ്ങളും കടല്‍പ്പക്ഷികളും ആമകളും മല്‍സ്യങ്ങളും തിമിംഗലങ്ങളുമൊക്കെപ്പെടും. ഇത് സമുദ്രത്തിന്റെ ആവാസവ്യവസ്ഥയുടെ സന്തുലനം തകര്‍ക്കും. ഭക്ഷണമാണെന്നു കരുതി പല ജലജീവികളും പ്ളാസ്റ്റിക് അകത്താക്കാറുണ്ട്.
പ്ളാസ്റ്റിക് പുനഃചംക്രമണത്തിനു പൂര്‍ണമായും സുരക്ഷിതമായ മാര്‍ഗങ്ങള്‍ കണ്ടെത്തേണ്ടിയിരിക്കുന്നു. ചില സ്ഥലങ്ങളില്‍ റോഡ് ടാര്‍ ചെയ്യാന്‍ ബിറ്റുമിനോടൊപ്പം പ്ളാസ്റ്റിക് ഉപയോഗപ്പെടുത്തുന്നുണ്ട്.
റീസൈക്കിള്‍ ചെയ്ത പ്ളാസ്റ്റിക് ഉപയോഗിച്ചു പുതിയ പ്ളാസ്റ്റിക് സഞ്ചികളും മറ്റും ഉണ്ടാക്കുമ്പോള്‍ അവയ്ക്കു സ്വാഭാവികമായ നിറമുണ്ടാകില്ല. ഇതു മറയ്ക്കാനായി നല്‍കുന്ന നിറങ്ങള്‍ പലതും വിഷവസ്തുക്കളാണ്. റീസൈക്കിള്‍ ചെയ്ത പ്ളാസ്റ്റിക് സഞ്ചികളില്‍ ഭക്ഷ്യവസ്തുക്കള്‍ വില്‍ക്കുന്നതു നിരോധിച്ചിട്ടുണ്ടെങ്കിലും പലപ്പോഴും ഇതു നടപ്പാകുന്നില്ല എന്നതാണു സത്യം.
പിറവി
മറ്റു പല കണ്ടുപിടിത്തങ്ങളെയുംപോലെ തികച്ചും യാദൃച്ഛികമായാണു പ്ളാസ്റ്റിക്കിന്റെയും പിറവി. ഫ്രെഡറിക് ഷോണ്‍ബീന്‍ എന്ന ജര്‍മന്‍ രസതന്ത്രജ്ഞന്‍ തന്റെ പരീക്ഷണശാലയില്‍ പരീക്ഷണങ്ങള്‍ നടത്തുന്നതിനിടെയാണു ബീക്കറിലെടുത്തിരുന്ന സള്‍ഫ്യൂരിക്ക് ആസിഡിന്റെയും നൈട്രിക്ക് ആസിഡിന്റെയും മിശ്രിതം അബദ്ധത്തില്‍ തട്ടി നിലത്തുവീണത്. ഉടന്‍ ഒരു പരുത്തിത്തുണിയെടുത്ത് അദ്ദേഹം അതു തുടച്ചുവൃത്തിയാക്കാനാരംഭിച്ചു. അപ്പോഴല്ലേ രസം! അതാ പുതിയൊരു പദാര്‍ഥം രൂപംകൊള്ളുന്നു. നൈട്രോ സെല്ലുലോസ് (മ്മദ്ധന്ധത്സഗ്ന ങ്കന്llഗ്മlഗ്നന്ഥന്) ആയിരുന്നു ആ പദാര്‍ഥം. പരുത്തിയിലെ സെല്ലുലോസും നൈട്രിക് ആസിഡും തമ്മില്‍ പ്രവര്‍ത്തിച്ചുണ്ടായ എളുപ്പം തീപിടിക്കുന്ന ഇൌ കൃത്രിമ പോളിമറാണ് പ്ളാസ്റ്റിക് യുഗത്തിലേക്കുള്ള വാതില്‍ തുറന്നതെന്നു പറയാം.

ഉപയോഗം
പ്ളാസ്റ്റിക്കിനെ തെര്‍മോ പ്ളാസ്റ്റിക് എന്നും തെര്‍മോ സെറ്റിങ് പ്ളാസ്റ്റിക് എന്നും രണ്ടായി തിരിക്കാം. ചൂടാക്കുമ്പോള്‍ മൃദുവാകുകയും തണുപ്പിക്കുമ്പോള്‍ വീണ്ടും ഖരരൂപത്തിലാകുകയും ചെയ്യുന്ന പ്ളാസ്റ്റിക്കാണ് തെര്‍മോ പ്ളാസ്റ്റിക്. അതായത് ചൂടാക്കുമ്പോള്‍ അവയ്ക്കു ഭൌതികമാറ്റം മാത്രമേ സംഭവിക്കുന്നുള്ളൂ. ഇവയെ പുതിയ വസ്തുക്കളുണ്ടാക്കാന്‍ ഉപയോഗിക്കാം. സെല്ലുലോസ് ഡൈ നൈട്രേറ്റും കര്‍പ്പൂരവും (്യന്റണ്ഡണ്മhഗ്നത്സ) ചേര്‍ത്തുണ്ടാക്കിയ സെല്ലുലോയിഡാണ് ആദ്യത്തെ തെര്‍മോ പ്ളാസ്റ്റിക്. പോളി എഥിലീന്‍, പോളി വിനൈല്‍ ക്ളോറൈഡ് (പിവിസി), നൈലോണ്‍ എന്നിവയെല്ലാം തെര്‍മോ പ്ളാസ്റ്റിക്കിന് ഉദാഹരണങ്ങളാണ്. എന്നാല്‍ ചൂടാക്കുമ്പോള്‍ രാസമാറ്റം സംഭവിക്കുന്നവയാണു തെര്‍മോ സെറ്റിങ് പ്ളാസ്റ്റിക്കുകള്‍. അതുകൊണ്ടുതന്നെ അവയെ വീണ്ടും ഉപയോഗിക്കാന്‍ സാധിക്കില്ല. ബേക്കലൈറ്റ് പോളിയെസ്റ്റര്‍ എന്നിവ തെര്‍മോ സെറ്റിങ് പ്ളാസ്റ്റിക്കുകള്‍ക്ക് ഉദാഹരണങ്ങളാണ്.

പലതരം പ്ളാസ്റ്റിക്കുകള്‍
പോളി എഥിലീന്‍ പോളിവിനൈല്‍ ക്ളോറൈഡ് (പിവിസി): വസ്തുക്കള്‍ പൊതിയാന്‍, ഇന്‍സുലേറ്ററായി, പൈപ്പ് നിര്‍മാണം. പൈപ്പ്, രാസപ്രക്രിയ നടക്കുന്ന ടാങ്കുകള്‍, ഹെല്‍മറ്റ്, റെയിന്‍കോട്ടുകള്‍ എന്നിവ നിര്‍മിക്കാന്‍.
നൈലോണ്‍: മല്‍സ്യബന്ധന വലകള്‍, തുണിത്തരങ്ങള്‍, പാരഷൂട്ടുകള്‍, ചരടുകള്‍ തുടങ്ങിവയുടെ നിര്‍മാണം.
പോളിയെസ്റ്റര്‍: വസ്ത്രങ്ങള്‍, ഗൃഹോപകരണങ്ങള്‍, വാഹന ഭാഗങ്ങള്‍ എന്നിവ നിര്‍മിക്കാന്‍.
ബേക്കലൈറ്റ്: സ്വിച്ച്, വൈദ്യുതോപകരണങ്ങള്‍, സോപ്പുപെട്ടി എന്നിവയുടെ നിര്‍മാണം.
പോളിപ്രൊപ്പിലീന്‍: പൈപ്പുകള്‍, ഡിസ്പോസബിള്‍ സിറിഞ്ചുകള്‍, കളിപ്പാട്ടങ്ങള്‍, സ്യൂട്ട്കേസുകള്‍, ബക്കറ്റുകള്‍, തുണിത്തരങ്ങള്‍, ടാങ്കുകള്‍ തുടങ്ങിയവ നിര്‍മിക്കാന്‍.
പോളിസ്റ്റൈറീന്‍: കുപ്പികള്‍, പാത്രങ്ങള്‍, റേഡിയോ, ടെലിവിഷന്‍ ക്യാബിനറ്റുകള്‍, പൈപ്പുകള്‍, ഫോം (ക്ഷഗ്നന്റണ്ഡ), ഇന്‍സുലേറ്റര്‍ എന്നിവയുടെ നിര്‍മാണത്തിന്.
ടെഫ്ലോണ്‍: നോണ്‍സ്റ്റിക്ക് പാചകപ്പാത്രങ്ങള്‍, തേപ്പുപെട്ടികള്‍, ഇലക്ട്രിക് വയറുകള്‍, കേബിളുകള്‍, ഇന്‍സുലേഷനുകള്‍, പമ്പിന്റെ വാല്‍വുകള്‍, ജനറേറ്റര്‍ എന്നിവയിലെല്ലാം ഉപയോഗിക്കുന്നു.
ഫിനോള്‍ ഫോര്‍മാല്‍ഡിഹൈഡ് റെസിനുകള്‍: ലാമിനേറ്റുകള്‍, ഇലക്ട്രിക് ഉപകരണങ്ങള്‍, അച്ചുകള്‍, പശ എന്നിവ നിര്‍മിക്കാന്‍.
പോളിയൂറിത്തേന്‍: ഇലാസ്റ്റോമറുകള്‍, ഇന്‍സുലേറ്റര്‍, ആവരണങ്ങള്‍, ഫോം എന്നിവയുണ്ടാക്കാന്‍.
പോളിമീതൈല്‍ മെത് അക്രിലേറ്റ് (ഗ്ഗപ്പപ്പക്ക): കോണ്‍ടാക്ട് ലെന്‍സുകള്‍, സെയ്ഫ്റ്റി ഗാസുകള്‍, യുദ്ധവിമാനങ്ങളുടെ ജനലുകള്‍ എന്നിവ നിര്‍മിക്കാന്‍.
ഇനിയുമുണ്ട് പ്ളാസ്റ്റിക്കുകള്‍ ധാരാളം. അവയുടെ പേരുകളും ഉപയോഗങ്ങളും കണ്ടെത്താന്‍ ശ്രമിക്കൂ.

നിയമത്തിന്റെ വഴി
20 മൈക്രോണില്‍ താഴെ കട്ടിയുള്ള പ്ളാസ്റ്റിക് കൂടുകള്‍ നിരോധിച്ചുകൊണ്ട് 1999ല്‍ ആണ് ഗ്ഗlന്റന്ഥന്ധദ്ധ്യ പ്പന്റnഗ്മക്ഷന്റ്യന്ധഗ്മത്സന് Sന്റlന് ന്റn ള്ളന്ഥന്റദ്ദന് ത്സഗ്മlന് നിലവില്‍ വന്നത്. 2003ല്‍ ഇതിന്റെ ഭേദഗതിയും നിലവില്‍ വന്നു. ഇപ്പോള്‍ മുപ്പതു മൈക്രോണില്‍ താഴെ കട്ടിയുള്ള പ്ളാസ്റ്റിക് സഞ്ചികളും കപ്പുകളുമൊക്കെ നിരോധിച്ചുകൊണ്ടു കേരളത്തില്‍ നിലവില്‍ വന്നിരിക്കുന്ന നിയമം ഇതിന്റെ തുടര്‍ച്ചയാണ്. പ്ളാസ്റ്റിക് മാലിന്യപ്രശ്നങ്ങള്‍ക്കുള്ള പരിഹാരനിര്‍ദേശങ്ങള്‍ക്കായി 1996ല്‍ ആണു കേന്ദ്ര വനം പരിസ്ഥിതി മന്ത്രാലയത്തിന്റെ ആഭിമുഖ്യത്തില്‍ മ്മന്റന്ധദ്ധഗ്നnന്റl ഗ്ഗlന്റന്ഥന്ധദ്ധ്യ ല്‍ന്റന്ഥന്ധന് പ്പന്റnന്റദ്ദന്ണ്ഡന്nന്ധ സ്സന്റന്ഥk ഞ്ചഗ്നത്സ്യന് രൂപംകൊണ്ടത്. എന്നിട്ടും പ്ളാസ്റ്റിക് മലിനീകരണത്തിന്റെ തോതു കുറയുന്നില്ലെന്നു മാത്രം. വികസിത രാഷ്ട്രങ്ങള്‍ മൂന്നാം ലോകരാജ്യങ്ങളെ അവരുടെ മാലിന്യങ്ങള്‍ നിക്ഷേപിക്കാനുള്ള കുപ്പത്തൊട്ടിയാക്കി മാറ്റിക്കൊണ്ടിരിക്കുന്നു. അമേരിക്കയടക്കമുള്ള രാഷ്ട്രങ്ങള്‍ ഇങ്ങനെ കൊണ്ടുവന്നു തള്ളുന്ന ഇലക്ട്രോണിക് മാലിന്യങ്ങളില്‍ വലിയൊരു ശതമാനം പ്ളാസ്റ്റിക് ആണെന്നു ഗ്രീന്‍പീസിന്റെ റിപ്പോര്‍ട്ടുകള്‍ വെളിപ്പെടുത്തുന്നു. ഇൌ മാലിന്യങ്ങളുടെ രാജ്യാന്തര കൈമാറ്റം തടയാനുള്ള ബേസല്‍ (ങ്ങന്റന്ഥന്റl) കരാറും നോക്കുകുത്തിയാവുന്നു.

കത്തിച്ചാലും വിഷം
എന്നാല്‍ പ്ളാസ്റ്റിക് കത്തിച്ചു നശിപ്പിച്ചുകളയാമെന്നുവച്ചാലോ? അതും അപകടം തന്നെ. പ്ളാസ്റ്റിക്കുകള്‍ കത്തിക്കുമ്പോള്‍ പുറത്തുവരുന്ന ഡയോക്സിന്‍പോലുള്ള വിഷവാതകങ്ങള്‍ അര്‍ബുദകാരികളാണെന്ന് (്യന്റത്സ്യദ്ധnഗ്നദ്ദന്nന്ഥ) പഠനങ്ങള്‍ തെളിയിച്ചു കഴിഞ്ഞു. പരിസ്ഥിതിയില്‍ വര്‍ഷങ്ങളോളം നിലനിന്നു നാശം വിതയ്ക്കാന്‍ കഴിവുള്ള വിഷവാതകമാണു ഡയോക്സിന്‍. അമേരിക്ക വിയറ്റ്നാമില്‍ പ്രയോഗിച്ച ഏജന്റ് ഒാറഞ്ച് എന്ന മാരക രാസായുധത്തിലെ പ്രധാന ഘടകം ഡയോക്സിന്‍ ആയിരുന്നു. പിവിസിപോലുള്ള പ്ളാസ്റ്റിക് വസ്തുക്കള്‍ കത്തിക്കുമ്പോള്‍ ഡയോക്സിനെ കൂടാതെ വിനൈല്‍ ക്ളോറൈഡ്, ക്ളോറോ ബെന്‍സീന്‍ തുടങ്ങിയ അര്‍ബുദകാരികളായ വാതകങ്ങളും പുറത്തുവരുന്നുണ്ട്. പിവിസി നിര്‍മാണത്തിനുപയോഗിക്കുന്ന വിനൈല്‍ ക്ളോറൈഡ് മനുഷ്യരില്‍ കാന്‍സറിനു കാരണമാകുമെന്നു ഡബ്ള്യുഎച്ച്ഒയുടെ ഇന്റര്‍നാഷനല്‍ ഏജന്‍സി ഫോര്‍ റിസര്‍ച്ച് ഒാണ്‍ കാന്‍സര്‍ നടത്തിയ പഠനങ്ങള്‍ സൂചിപ്പിക്കുന്നു.
പ്ളാസ്റ്റിക് നിര്‍മാണ ഫാക്ടറികള്‍ പുറന്തള്ളുന്ന മാലിന്യങ്ങളും വിഷമയമാണ്. പ്ളാസ്റ്റിക് വസ്തുക്കള്‍ക്ക് ആകര്‍ഷകമായ നിറങ്ങള്‍ നല്‍കാനുപയോഗിക്കുന്ന ആസോ ഡൈകളില്‍ (ക്കന്മഗ്ന ത്ന്രന്) അടങ്ങിയിരിക്കുന്ന ലെഡ്, കാഡ്മിയം പോലുള്ള ഘനലോഹങ്ങള്‍ ഭൂഗര്‍ഭജലത്തെപ്പോലും മലിനമാക്കും. പ്ളാസ്റ്റിക്കിന്റെ മൃദുത്വം വര്‍ധിപ്പിക്കാനുപയോഗിക്കുന്ന ഡൈ ഇൌഥൈല്‍ ഹെക്സൈല്‍ താലേറ്റ് (.ഞ്ഞണ്ണഗ്ഗ) പോലുള്ള രാസവസ്തുക്കള്‍ പുരുഷന്മാരില്‍ വന്ധ്യതയുണ്ടാക്കുമെന്നു തെളിഞ്ഞിട്ടുണ്ട്. അര്‍ബുദകാരികൂടിയാണീ രാസവസ്തു. കുട്ടികള്‍ക്കുള്ള കളിപ്പാട്ടങ്ങളില്‍ .ഞ്ഞണ്ണഗ്ഗ പ്ളാസ്റ്റിസൈസര്‍ ആയി ഉപയോഗിക്കുന്നതു യൂറോപ്യന്‍ യൂണിയന്‍ നിരോധിച്ചിട്ടുണ്ട്.
പ്രതീക്ഷയുടെ പച്ചത്തുരുത്ത്
പരിസ്ഥിതി സൌഹൃദ ജൈവ പ്ളാസ്റ്റിക്കുകള്‍ ഉപയോഗിക്കുകയെന്നതാണു പ്ളാസ്റ്റിക് മാലിന്യങ്ങളിലൂടെ ചാവുഭൂമിയായി മാറിക്കൊണ്ടിരിക്കുന്ന പരിസ്ഥിതിയെ രക്ഷിക്കാനുള്ള പോംവഴി. അധികം വൈകാതെ ബയോപ്ളാസ്റ്റിക്കുകള്‍ വിപണി കീഴടക്കുമെന്നുതന്നെയാണു ഗ്രീന്‍ കെമിസ്ട്രി രംഗത്തുനിന്നുള്ള ഗവേഷണങ്ങള്‍ നല്‍കുന്ന സൂചന.
എളുപ്പം ജൈവവിഘടനത്തിനു വിധേയമാകുന്ന പോളി ഹൈഡ്രോക്സി ആല്‍ക്കനോയേറ്റ് (ഗ്ഗണ്ണക്ക) എന്ന ബയോപ്ളാസ്റ്റിക്കുമായി രംഗത്തെത്തിയിരിക്കുകയാണ് അമേരിക്കയിലെ മെറ്റബോളിക്സ് ണ്ടn്യ. എന്ന സ്ഥാപനം. സസ്യാവശിഷ്ടങ്ങളെ ജനിതകമാറ്റം വരുത്തിയെടുത്ത എസ്കരീഷ്യ കോളി (ഞ്ഞന്ഥ്യhന്ത്സദ്ധ്യhദ്ധന്റ ങ്കഗ്നlദ്ധ) ബാക്ടീരിയകളെ ഉപയോഗിച്ചു ഫെര്‍മന്റേഷന്‍ നടത്തിയാണു മെറ്റബോളിക്സ് ഗവേഷകര്‍ ഗ്ഗണ്ണക്ക നിര്‍മിച്ചെടുത്തത്. ജനിതക എന്‍ജിനീയറിങ്ങിലൂടെ ഗ്ഗണ്ണക്ക നിര്‍മിക്കുന്ന ജീനുകള്‍ സസ്യങ്ങളിലേക്കു കടത്തി അവയെ ജൈവ പ്ളാസ്റ്റിക് നിര്‍മാണ പ്ളാന്റുകളാക്കാനാണ് ഇപ്പോള്‍ മെറ്റബോളിക്സിന്റെ ശ്രമം. ഇംഗണ്ടിലെ യൂണിവേഴ്സിറ്റി ഒാഫ് കണക്ടിക്കറ്റ് ഗവേഷകരാണെങ്കില്‍ ലാക്ടിക് ആസിഡ് അടിസ്ഥാനമാക്കിയുള്ള പോളിലാക്ടിക് പോളിമര്‍ ഉപയോഗിച്ച് ഇക്കോ ഫ്രണ്ട്ലിയായ ഡിസ്പോസബിള്‍ പ്ളാസ്റ്റിക് വസ്തുക്കള്‍ ഒരു വര്‍ഷത്തിനുള്ളില്‍ വിപണിയിലിറക്കാനുള്ള ശ്രമത്തിലാണ്.
മണ്ണില്‍ ലയിക്കുന്ന റെസിനുകള്‍ ("ന്ന്ഥദ്ധnന്ഥ) ഉപയോഗിച്ചു നിര്‍മിച്ച ചട്ടക്കൂടുള്ള ഒരു കംപ്യൂട്ടര്‍ ണ്ടങ്ങപ്പ പരീക്ഷണാടിസ്ഥാനത്തില്‍ നിര്‍മിച്ചുകഴിഞ്ഞു. വാര്‍വിക്ക് യൂണവേഴ്സിറ്റി ഗവേഷകരാണെങ്കില്‍ ജൈവ വിഘടനത്തിനു വിധേയമാവുന്ന പോളിമര്‍ ഉപയോഗിച്ചു മൊബൈല്‍ ഫോണിന്റെ പുറം കവറാണുണ്ടാക്കിയെടുത്തത്. ജനിതകമാറ്റം വരുത്തിയെടുത്ത ബാക്ടീരിയകളെ ഉപയോഗപ്പെടുത്തി നശിക്കാതെ കിടക്കുന്ന പ്ളാസ്റ്റിക്കിനെ ജൈവവിഘടന വിധേയമാക്കാമെന്നും തെളിഞ്ഞിട്ടുണ്ട്.
നിങ്ങള്‍ക്കു സാധിക്കും; തീര്‍ച്ച
പ്ളാസ്റ്റിക് ഭീഷണിയില്‍നിന്നു നമ്മുടെ ഭൂമിയെ രക്ഷിക്കാന്‍ നമുക്കു പലതും ചെയ്യാനുണ്ട്. തുണിസഞ്ചിയും കടലാസ് ബാഗും ഉപയോഗിക്കുന്നതില്‍ ഒരു നാണക്കേടും വേണ്ട. വീട്ടിലുള്ളവരെ ഉപയോഗിക്കാന്‍ പ്രേരിപ്പിക്കുകയും വേണം.
സഞ്ചി മോശമല്ല: പ്ളാസ്റ്റിക്കിന്റെ ഉപയോഗം കുറയ്ക്കാന്‍ സ്വയം എന്തൊക്കെ ചെയ്യാന്‍ സാധിക്കും? ആലോചിക്കൂ. ഷോപ്പിങ്ങിനു പോവുമ്പോള്‍ ഒരു തുണിസഞ്ചി കൂടെക്കരുതിയാല്‍ എത്ര പ്ളാസ്റ്റിക് സഞ്ചികള്‍ ഒഴിവാക്കാന്‍ സാധിക്കും. തുണിക്കു പുറമെ ചണം, കട്ടിയുള്ള പേപ്പര്‍ എന്നിവയുപയോഗിച്ചുണ്ടാക്കുന്ന കവറുകള്‍, ചിരട്ടക്കപ്പുകള്‍, കടലാസ് കപ്പുകള്‍, വാഴനാരുകൊണ്ടും മുളകൊണ്ടുമുള്ള ഉല്‍പന്നങ്ങള്‍ അങ്ങനെ ബദല്‍ മാര്‍ഗങ്ങളെന്തെല്ലാം? ഡിസ്പോസബിള്‍ പ്ളാസ്റ്റിക് കപ്പുകള്‍, ഗാസുകള്‍, പ്ളാസ്റ്റിക് ഇലകള്‍ എന്നിവയെല്ലാം പൂര്‍ണമായും ഒഴിവാക്കൂ.
8":മാലിന്യങ്ങള്‍ കൈകാര്യം ചെയ്യാനുള്ള 8" രീതിയെക്കുറിച്ചു ജനങ്ങള്‍ ബോധവാന്മാരാണോ? ഇൌ 'എട്ട് ആര്‍ എന്തൊക്കെയെന്നാണോ? "ന്ക്ഷഗ്മന്ഥന്, "ന്ഗ്മ്യ്രന്, "ന്ഗ്മന്ഥന്, "ന്ണ്മന്റദ്ധത്സ, "ന്ന്ധhദ്ധnk, "ന്യ്ത്ന്യlന്, "ന്യ്ഗ്നത്സ, "ന്ണ്മlന്റ്യന്.
പ്ളാസ്റ്റിക് ഉപയോഗിക്കാത്ത മേഖലകള്‍ കുറവായിരിക്കും. എന്നാല്‍ വിവേകപൂര്‍വം ഉപയോഗിച്ചില്ലെങ്കില്‍ ഇൌ ഭൂമിയെ തന്നെ ശ്വാസംമുട്ടിച്ചുകൊല്ലുന്ന ഭീകരനാകും ഇൌ ഉപകാരി. കേരളത്തില്‍ 30 മൈക്രോണില്‍ കുറഞ്ഞ പ്ളാസ്റ്റിക്കിനു നിരോധനം ഏര്‍പ്പെടുത്തിയതോടെ പാസ്റ്റിക് വിരുദ്ധ അവബോധം വ്യാപകമാകുന്നു. പ്ളാസ്റ്റിക്കിനു പകരം പത്രക്കടലാസും തുണി, പേപ്പര്‍ സഞ്ചികളും ഇലപ്പൊതികളുമൊക്കെ മടങ്ങിവരവിന്റെ പാതയിലാണ്.

പഴയ മൊബൈലിനെ മരമാക്കൂ

2011-03-20T04:57:00.000-07:00

ആഗോള താപനത്തിനെതിരെയുള്ള പോരാട്ടത്തില്‍ ലോകത്തിലെ ഏറ്റവും വലിയ മൊബൈല്‍ കമ്പനിയായ നോക്കിയയും കൈ കോര്‍ക്കുന്നു. നോക്കിയ അവതരിപ്പിച്ചിരുക്കുന്ന 'റീ സൈക്കിള്‍ യുവര്‍ ഒാള്‍ഡ് മൊബൈല്‍ ആന്‍ഡ് പ്ലാന്റ് എ ട്രീ എന്ന പദ്ധതിയാണ് ആഗോള കുത്തക കമ്പനികള്‍ക്കു മാതൃകയാകുന്നത്. റീ സൈക്കിള്‍ ചെയ്യാന്‍ നല്‍കുന്ന ഒാരോ മൊബൈലിനും പകരമായി നിങ്ങളുടെ പേരില്‍ മരങ്ങള്‍ നട്ടുപിടിപ്പിക്കുകയാണ് നോക്കിയ.

മൊബൈല്‍ റീ സൈക്കിളിങ് വഴി മൂന്നു രീതിയിലാണു നോക്കിയ പ്രകൃതിക്കു നന്‍മ ചെയ്യുന്നത്. ഇ- വേസ്റ്റ് മൂലമുണ്ടാകുന്ന വിഷ മാലിന്യങ്ങളെ തടയുന്നതിനൊപ്പം ഇലക്ട്രോണിക്സ് വസ്തുക്കള്‍ നിര്‍മിക്കാനുള്ള ഒട്ടേറെ അസംസ്കൃത വസ്തുക്കളും റീ സൈക്കിളിങ് വഴി നോക്കിയ ലാഭിക്കുന്നു. കൂടാതെ മരങ്ങള്‍ നട്ടുപിടിപ്പിക്കുന്നതു വഴി ഭൂമിയിലെ പച്ചപ്പ് വര്‍ധിപ്പിക്കുകയും ചെയ്യുന്നു. മൊബൈല്‍ ഫോണുകളില്‍ റേഡിയേഷന്‍ വമിപ്പിക്കാന്‍ ശേഷിയുള്ളവയും പ്രകൃതിക്കു ദോഷകരമായ വിഷവസ്തുക്കളും അടങ്ങിയിട്ടുണ്ട്. റീ സൈക്കിള്‍ ചെയ്യുമ്പോള്‍ ഇത്തരത്തിലുള്ള വസ്തുക്കളെ സുരക്ഷിതമായി നിര്‍മാര്‍ജനം ചെയ്യാന്‍ കഴിയുമെന്നതിനാല്‍ നോക്കിയയുടെ പദ്ധതിക്കു ലോകവ്യാപകമായി വന്‍ സ്വീകരണമാണു ലഭിച്ചിട്ടുള്ളത്. ഇലക്ട്രോണിക്സ് - ഇലക്ട്രിക്കല്‍ ഇ - വേസ്റ്റുകള്‍ സുരക്ഷിതമായി നിര്‍മാര്‍ജനം ചെയ്യാന്‍ അവയുടെ നിര്‍മാണ കമ്പനികള്‍ തന്നെ പദ്ധതി തയാറാക്കണമെന്ന നിയമം കേന്ദ്ര പരിസ്ഥിതി മന്ത്രാലയം നടപ്പാക്കാനൊരുങ്ങുകയാണ്. നിയമം നിലവില്‍ വരുന്നതിനു മുമ്പേ ഇതു വിജയകരമായി പ്രാവൃത്തികമാക്കുകയാണ് നോക്കിയ.

വിവിധ സന്നദ്ധ സംഘടനകളുമായി ചേര്‍ന്നാണു മരങ്ങള്‍ നട്ടുപിടിപ്പിക്കുന്ന പദ്ധതി നോക്കിയ നടപ്പാക്കുന്നത്. തമിഴ്നാട്ടില്‍ അഹിമ എന്ന എന്‍ജിഒയുടെ സഹകരണത്തോടെ കാഞ്ചീപുരം ജില്ലയില്‍ ഇതുപതിനായിരത്തോളം മരങ്ങള്‍ നോക്കിയ ഇതിനകം നട്ടുപിടിപ്പിച്ചു. ബാംഗ്ലൂരില്‍ മിഡ്ടൌണ്‍ റോട്ടറി ക്ളബിന്റെയും മറ്റു സന്നദ്ധ സംഘടനകളുടെ സഹകരണത്തോടെ കാല്‍ ലക്ഷത്തോളം മരങ്ങള്‍ ഇതിനകം നട്ടുപിടിപ്പിച്ചു. കൂടാതെ ഉത്തര്‍പ്രദേശിലെ മഥുര ജില്ലയില്‍ ആര്‍ട്ട് ഒാഫ് ലിവിങ്ങിന്റെയും വേള്‍ഡ് അലയന്‍സ് ഫോര്‍ യൂത്ത് എംപര്‍മെന്റിന്റെയും സഹകരണത്തോടെ പതിനായിര കണക്കിനു മരങ്ങളും നോക്കിയ നട്ടു പിടിപ്പിച്ചു. ഇത്തരത്തില്‍ മരങ്ങള്‍ വച്ചുപിടിപ്പിക്കുന്ന പദ്ധതി രാജ്യം മുഴുവന്‍ വ്യാപിപ്പിക്കാനുള്ള തയാറെടുപ്പിലാണു നോക്കിയ. ഇതിനായി മാധ്യമങ്ങളിലൂടെ വന്‍തോതില്‍ പ്രചാരണ പരിപാടികള്‍ക്കും നോക്കിയ തുടക്കം കുറിച്ചിട്ടുണ്ട്. ഒാര്‍മിക്കുക, ഉപയോഗ്യശൂന്യമായ മൊബൈല്‍ ഫോണ്‍ നിങ്ങള്‍ അലക്ഷ്യമായി വലിച്ചെറിയാതെ നോക്കിയയ്ക്കു നല്‍കുകയാണെങ്കില്‍ പ്രകൃതിക്കു മൂന്നു തരത്തില്‍ സംരക്ഷണം നല്‍കാന്‍ നിങ്ങള്‍ക്കും കഴിയുമെന്നത്.

മൊബൈല്‍ റീ സൈക്കിളിങ് എങ്ങനെ?

2011-03-20T04:54:00.000-07:00

നോക്കിയയുടെ 'റീ സൈക്കിള്‍ യുവര്‍ ഒാള്‍ഡ് മൊബൈല്‍ ആന്‍ഡ് പ്ലാന്റ് എ ട്രീ എന്ന പദ്ധതി രാജ്യത്തെമ്പാടും വ്യാപിപ്പിച്ച ജൂലൈ ഒന്നു മുതല്‍ 45 ദിവസത്തിനകം മൂന്നു ടണ്‍ മൊബൈല്‍ മാലിന്യങ്ങളാണ് നോക്കിയയ്ക്കു ലഭിച്ചത്. ഇതില്‍ 10, 000 വീതം മൊബൈല്‍ ഫോണുകളും ബാറ്ററികളും 32,000 ചാര്‍ജറുകളും, ആയിരത്തോളം ഹെഡ് സെറ്റുകളും ബോഡികവറുകളും ഉള്‍പ്പെടുന്നു. നോക്കിയയുടെ സര്‍വേ പ്രകാരം ആഗോള വ്യാപകമായി മുന്നു ശതമാനം പേര്‍മാത്രമാണ് ഫോണ്‍ റീ സൈക്കിളിങ്ങിന് തയാറാകുന്നത്. നോക്കിയ ഫോണ്‍ ഉപഭോക്താക്കള്‍ മാത്രം ഉപയോഗശൂന്യമായ ഫോണുകള്‍ റീ സൈക്കിള്‍ ചെയ്യുകയാണെങ്കില്‍ 80,000 ടണ്‍ അംസ്കൃത വസ്തുക്കള്‍ ലാഭിക്കാമെന്നു നോക്കിയ പറയുന്നു.

ലോകവ്യാപകമായി 85 രാജ്യങ്ങളിലായി നോക്കിയയുടെ 5000 എക്സ്ക്ളൂസീവ് ഷോറൂമുകളില്‍ സ്ഥാപിച്ചിട്ടുള്ള റീ സൈക്കിളിങ് പോയിന്റുകളിലൂടെയാണു പദ്ധതി നടപ്പാക്കുന്നത്. ഇന്ത്യയില്‍ നോക്കിയ കെയര്‍ സെന്ററുകള്‍, നോക്കിയ പ്രിയോരിറ്റി ഡീലേഴ്സ്, നോക്കിയ കണ്‍സെപ്റ്റ് സ്റ്റോര്‍സ് തുടങ്ങിയ 1300 പോയിന്റുകളാണ് ഇതിനായി നോക്കിയ തയാറാക്കിയിരിക്കുന്നത്. നിങ്ങളുടെ സമീപത്തുള്ള റീസൈക്കിളിങ് പോയിന്റ് ഏതാണെന്നു അറിയാന്‍ ഫോണില്‍ നിന്നു ട്ട "ഞ്ഞഞ്ഞമ്മ എന്നു ടൈപ്പ് ചെയ്തു സ്പേസ് ഇട്ട ശേഷം നിങ്ങളുടെ പിന്‍കോഡും ടൈപ്പ് ചെയ്തു 55555 എന്ന നമ്പറിലേക്ക് എസ്എംഎസ് അയയ്ക്കുക. ഉപയോഗയോഗ്യമല്ലാത്ത മൊബൈല്‍ ഫോണുകള്‍ റീസൈക്കിളിങ്ങിനായി തിരിച്ചെടുക്കാന്‍ യൂറോപ്പിലും ഒാസ്ട്രേലിയയിലും പ്രത്യേക പദ്ധതികള്‍ തന്നെ നോക്കിയ ആവിഷ്കരിച്ചിട്ടുണ്ട്. ഇംഗ്ലണ്ടിലും അമേരിക്കയിലും ഇത്തരം ഫോണുകള്‍ പ്രത്യേക ചാര്‍ജ് ഇല്ലാതെ നോക്കിയയുടെ റീസൈക്കിളിങ് പോയിന്റുകളിലേക്ക് സൌജന്യമായി അയച്ചു നല്‍കാനുമുള്ള സംവിധാനങ്ങള്‍ തയാറാക്കിട്ടുണ്ട്.

നോക്കിയ ഫോണുകളിലെ 65 മുതല്‍ 90 ശതമാനം വരെ വസ്തുക്കള്‍ പുനസംസ്കരണം നടത്തി വീണ്ടും ഉപയോഗിക്കാന്‍ കഴിയുമെന്നാണ് കമ്പനി അവകാശപ്പെടുന്നത്. പുനസംസ്കരണം നടത്തുന്നതു വഴി ഫോണ്‍ നിര്‍മാണത്തിനാവശ്യമായ അംസ്കൃത വസ്തുക്കളില്‍ വന്‍തോതില്‍ കുറവു വരുത്താനും നിര്‍മാണത്തിനാവശ്യമായ ഉൌര്‍ജ ഉപയോഗത്തില്‍ വന്‍ കുറവു വരുത്താനും കഴിയുമെന്നു നോക്കിയ പറയുന്നു.

ഫോണിന്റെ ബോഡി കവറില്‍ നിന്നു പ്ലാസ്റ്റിക്, സ്റ്റെയിന്‍ലസ് സ്റ്റീല്‍ തുടങ്ങിയവയും സര്‍ക്യൂട്ട് പാനലില്‍ നിന്നു ചെമ്പ്, സ്വര്‍ണം, പ്ലാറ്റിനം തുടങ്ങിയവയും ബാറ്ററില്‍ നിന്നു കൊബാള്‍ട്ട്, ലിത്തയം സാള്‍ട്ട് എന്നിവയും നോക്കിയ വേര്‍ത്തിരിച്ചെടുക്കുന്നു. എല്ലാ വിധ മൊബൈല്‍ ഫോണുകളും മറ്റു മൊബൈല്‍ അനുബന്ധ ഉപകരണങ്ങളും പ്രകൃതിക്ക് അനുയോജ്യമായ രീതിയിലാണ് നോക്കിയ പുനസംസ്കരണം നടത്തുന്നത്.

മലേഷ്യയിലും സിംഗപ്പൂരിലും 2008ല്‍ നോക്കിയ റീ സൈക്കിളിങ് കിയോസ്കുകള്‍ ആരംഭിച്ചിരുന്നു. ഇത്തരത്തില്‍ റീ സൈക്കിളിങ് ചെയ്യാനായി നല്‍കുന്ന ഒരോ ഫോണിനും പകരമായി ഫോണ്‍ നല്‍കിയ ആളുടെ പേരില്‍ നോക്കിയ പുതിയ ഒാരോ മരങ്ങളും നടും. ഇത്തരത്തില്‍ വേള്‍ഡ് വൈഡ് ലൈഫ് ഫണ്ടിന്റെ സഹായത്തോടെ ഇന്ത്യോനീഷ്യയില്‍ മാത്രം ഒരു ലക്ഷത്തോളം മരങ്ങളാണ് നോക്കിയ നട്ടുപിടിപ്പിച്ചത്.

ഇന്റര്‍നെറ്റില്‍ ഒട്ടേറെ പോര്‍ട്ടലുകള്‍ ഇലക്ട്രോണിക്സ് വസ്തുക്കള്‍ റീ സൈക്കിള്‍ ചെയ്യാനുള്ള സൌകര്യങ്ങള്‍ ഒരുക്കിയിട്ടുണ്ട്. നിങ്ങള്‍ റീ സൈക്കിള്‍ ചെയ്യാന്‍ നല്‍കുന്ന വസ്തുക്കളുടെ ഗുണനിലവാരം നോക്കി പകരം പണം നല്‍കുന്ന സൈറ്റുകളും ഒട്ടേറെയുണ്ട്. കൂടാതെ ഫോണുകള്‍ റീ സൈക്കിള്‍ ചെയ്യുമ്പോള്‍ പുതിയ ഫോണിനു സൌജന്യമായി ഇന്‍ഷുറന്‍സ് നല്‍കുന്ന പദ്ധതികളും ഇവര്‍ നടപ്പാക്കിയിട്ടുണ്ട്. ലാപ്ടോപ്, മൊബൈല്‍ ഫോണുകള്‍ മറ്റ് ഇലക്ട്രോണിക് ഗാഡ്ജറ്റുകള്‍ തുടങ്ങിയ ഇത്തരത്തില്‍ റീ സൈക്കിളിങ്ങിന് വിധേയമാക്കാന്‍ കഴിയും. വിദേശ രാജ്യങ്ങളിലും ഇന്ത്യയിലെ പ്രമുഖ ഷോപ്പിങ് മാളുകളിലും ഇത്തരം റീ സൈക്കിളിങ് ബോക്സുകള്‍ പല പ്രമുഖ കമ്പനികളും സ്ഥാപിച്ചിട്ടുണ്ട്.

ഒാര്‍മിക്കാന്‍
. റീസൈക്കിള്‍ ചെയ്യാന്‍ നിങ്ങളുടെ ഫോണ്‍ നല്‍കുന്നതിനു മുമ്പ് പ്രധാനപ്പെട്ട ഡാറ്റകള്‍ ഫോണില്‍ നിന്നു മാറ്റുക.
. ഫോണിന്റെ സിമ്മും മെമ്മറി കാര്‍ഡും റീ സൈക്കിള്‍ ചെയ്യാന്‍ ആഗ്രഹിക്കുന്നുണ്ടെങ്കില്‍ അവയില്‍ നിന്നുള്ള ഡാറ്റകള്‍ സുരക്ഷിതമായ രീതിയില്‍ മാറ്റി ഡിലീറ്റ് ചെയ്തതിനു ശേഷം മാത്രം നല്‍കുക.

എന്‍ഡോസള്‍ഫാനും പ്രകൃതിയും

2011-03-20T04:50:00.000-07:00

എന്‍ഡോ സള്‍ഫാന്‍ അത്യാപ ത്ക്കാരിയായ കീടനാശിനി യാണെന്നു ന്യൂ എന്‍വയ ണ്‍മെന്റല്‍ ജസ്റ്റിസ് ഫൌണ്ടേഷന്റെ പഠന റിപ്പോര്‍ട്ട് വ്യക്തമാക്കിയിരുന്നു. തെക്കേ അമേരിക്ക, വടക്കേ അമേരിക്ക, ആഫ്രിക്ക, ഏഷ്യ ഭൂണ്ഡങ്ങളില്‍ ഇതിന്റെ നിര്‍ലോപമായ ഉപയോഗം മനുഷ്യനും ജന്തുക്കള്‍ക്കും പക്ഷികള്‍ക്കും പരിസ്ഥിതിക്കും ഭീമമായ നാശനഷ്ടം വരുത്തുന്നതായി ഇവര്‍ നടത്തിയ പഠനം തെളിയിച്ചു.
തേയില, കാപ്പി, പരുത്തി, പഴവര്‍ഗങ്ങള്‍, പച്ചക്കറികള്‍, സോയ, അരി, ധാന്യങ്ങള്‍ എന്നിവയിലെ കീടങ്ങളെ നശിപ്പിക്കാനായി ഉപയോഗിക്കുന്ന കീടനാശിനിയാണ് എന്‍ഡോസള്‍ഫാന്‍. കൂടാതെ കശുമാവിന്‍ പൂക്കളില്‍ മുട്ടയിടുന്ന തേയില കൊതുകു പോലുള്ള കീടങ്ങളെ നശിപ്പിക്കാനുമായി എന്‍ഡോസള്‍ഫാന്‍ ഉപയോഗിക്കുന്നു. പരുത്തികൃഷിക്കു വില്ലനായി കീടങ്ങളെ നശിപ്പിക്കാനായി ഒൌദ്യോഗികമായി 28 രാജ്യങ്ങള്‍ ഇപ്പോഴും എന്‍ഡോസള്‍ഫാന്‍ ഉപയോഗിക്കുന്നതായാണു കണക്കുകള്‍. ഇന്ത്യയില്‍ മാത്രം പരുത്തി കൃഷിക്കായി 3000 ടണ്‍ എന്‍ഡോസള്‍ഫാന്‍ പ്രതിവര്‍ഷം ഉപയോഗിക്കുന്നതായാണു അനൌദ്യോഗിക കണക്കുകള്‍.

കൃഷിയിടങ്ങളില്‍ തളിക്കുന്ന എന്‍ഡോസള്‍ഫാന്‍ മണ്ണിലെത്തി വിഘടിച്ചു എന്‍ഡോസള്‍ഫാന്‍ സള്‍ഫേറ്റായി മാറുന്നു. ഇപിഎയുടെ (എന്‍വയോണ്‍മെന്റ് പ്രൊട്ടക്ഷന്‍ ഏജന്‍സി) അഭിപ്രായത്തില്‍ കീടനാശി വിഘിച്ചുണ്ടാകുന്ന പദാര്‍ഥത്തിനും എന്‍ഡോസള്‍ഫാന്റെ വിഷാംശത്തിനു മാറ്റമുണ്ടാകുകയില്ല എന്നാണ്. വിഘടിച്ചുണ്ടാകുന്ന എന്‍ഡോസള്‍ഫാന്‍ പ്ലസ്, എന്‍ഡോസള്‍ഫാന്‍ സള്‍ഫേറ്റ് എന്നിവയുടെ അര്‍ധായുസ് (Half life)  (രാസസംയുക്തത്തിന്റെ പകുതി ഭാഗം വിഘടിക്കാന്‍ വേണ്ട സമയം) ഒന്‍പതു മാസം മുതല്‍ ആറു വര്‍ഷം വരെയാണെന്നു കണക്കാക്കുന്നു.

ദീര്‍ഘായുസുള്ള കീടനാശികള്‍ മണ്‍തരികളോടു പറ്റിപ്പിടിച്ച് കാറ്റിലും വെള്ളത്തിലും പെട്ട് മറ്റു സ്ഥലങ്ങളില്‍ ചെല്ലുന്നു. അങ്ങനെ മറ്റു സ്ഥലങ്ങളിലെ മണ്ണിനെയും വെള്ളത്തെയും എന്‍ഡോസള്‍ഫാന്‍ മലിനപ്പെടുത്തുന്നു. ഇങ്ങനെ അടിഞ്ഞുകൂടുന്ന കീടനാശിനി വെള്ളത്തിലൂടെയും സസ്യങ്ങളിലുടെയും ജന്തുക്കളുടെയും മല്‍സ്യങ്ങളുടെയും ഉള്ളിലെത്തുന്നു. പിന്നീട് അവഭക്ഷിക്കുന്ന മനുഷ്യരിലേക്കും കടന്നെത്താന്‍ എന്‍ഡോസള്‍ഫാനു ശേഷിയുണ്ട്.

മാരകമായ ഈ രാസവസ്തുവുമായി നീണ്ടകാലത്തെ സമ്പര്‍ക്കം കൊണ്ട് ഇന്ത്യയില്‍ മരണത്തിനു പുറമേ ധാരാളം പേര്‍ക്കു കാന്‍സര്‍, ജനന വൈകല്യം, പ്രത്യുത്പാദന തകരാര്‍ തുടങ്ങിയവ ഉണ്ടാകുന്നതായി ഫൌണ്ടേഷന്‍ കണ്ടെത്തി. ഈ കീടനാശിനി കീടങ്ങളെ മാത്രമല്ല പക്ഷികളെയും മല്‍സ്യത്തെയും എന്തിനു പരിസ്ഥിതിയെത്തന്നെയും കൊല്ലുന്നു. ഈ മരുന്നു തളിക്കുന്ന പ്രദേശത്തും ചുറ്റുപാടും അടിഞ്ഞുകൂടുന്ന വിഷം ഭക്ഷ്യശൃംഖലയില്‍ കടന്നുകൂടി  പശുവിന്‍പാലിലും മാംസത്തിലും അനുവദനീയമായ തോതിന്റെ 100 ഇരട്ടി വിഷം കലര്‍ത്തുന്നു.

ജലം മലിനമാക്കുന്നതിനു പുറമേ മീനുകള്‍, ചിത്രശലഭങ്ങള്‍, പക്ഷികള്‍ എന്നിവയ്ക്കെല്ലാം എന്‍ഡോസള്‍ഫാന്‍ ദോഷങ്ങള്‍ സൃഷ്ടിക്കുന്നുണ്ട്. പാലക്കാട്ടെ മുതലമടയിലെ മാവിന്‍ തോട്ടങ്ങളില്‍ നടന്ന എന്‍ഡോസള്‍ഫാന്‍ ഉപയോഗത്തെ തുടര്‍ന്നു അപൂര്‍വ ഇനങ്ങളടക്കമുള്ള ആയിരക്കണക്കിനു ചിത്രശലഭങ്ങള്‍ ചത്തുവീണിരുന്നു.

എന്‍ഡോസള്‍ഫാനും സ്റ്റോക്കോം പ്രഖ്യാപനവും
പ്രകൃതിയുടെയും മനുഷ്യന്റെയും നിലനില്‍പ്പിനു ഭീഷണിയാവുന്ന തരത്തില്‍ കീടനാശിനികള്‍, മറ്റു വിഷപദാര്‍ഥങ്ങള്‍ എന്നിവ ഉപയോഗിക്കുന്നതില്‍, രാജ്യാന്തര നിയന്ത്രണം ഏര്‍പ്പെടുത്താനുള്ള ആദ്യശ്രമം നടത്തിയത് 1972 ജൂണില്‍ സ്വീഡനിലെ സ്റ്റോക്കോമില്‍   (Stockholm) നടന്ന ഉച്ചകോടിയാണ്. യുണൈറ്റഡ് നേഷന്‍സ് എന്‍വയണ്‍മെന്റ് പ്രോഗ്രാ (UNEP) മിനു തുടക്കം കുറിച്ചതും  ഈ കണ്‍വന്‍ഷനായിരുന്നു. പിന്നീട് 2001 മേയില്‍ സ്റ്റോക്കോമില്‍ വീണ്ടും ഒത്തുകൂടിയ സമ്മേളനം 12 കടുത്ത വിഷപദാര്‍ഥങ്ങളുടെ (Dirty Dozen) പട്ടിക പ്രസിദ്ധീകരിക്കുകയുണ്ടായി. ഇതില്‍ ഉള്‍പ്പെട്ട കീടനാശിനികളിലൊന്നാണ് എന്‍ഡോസള്‍ഫാന്‍.

എന്താണ് എന്ഡോസള്ഫാന്?

2011-03-20T04:47:00.000-07:00

ഒാര്‍ഗാനോക്ളോറൈന്‍ ഇനത്തില്‍പ്പെട്ട നിറമില്ലാത്ത കീടനാശിനിയാണു എന്‍ഡോസള്‍ഫാന്‍. ലോകത്തിലെ ഏറ്റവും മാരകമായ കീടനാശിനികളിലൊന്നായാണ് ഇതിനെ കണക്കാക്കിയിരിക്കുന്നത്. യൂറോപ്യന്‍ യൂണിയന്‍, ഒാസ്ട്രേലിയ, ന്യൂസിലാന്‍ഡ്, പടിഞ്ഞാറന്‍ ആഫ്രിക്കന്‍ രാജ്യങ്ങള്‍, വിവിധ ഏഷ്യന്‍ രാജ്യങ്ങള്‍ എന്നിവ ഉള്‍പ്പെടെ ലോകത്തു 63 രാജ്യങ്ങളില്‍ എന്‍ഡോസള്‍ഫാന്റെ ഉപയോഗം നിരോധിച്ചിട്ടുണ്ട്.

ബയാര്‍ ക്രോപ് സയന്‍സ്, മക്തേഹിം അഗാന്‍, ഇന്ത്യയിലെ പൊതുമേഖലാ സ്ഥാപനമായ ഹിന്ദുസ്ഥാന്‍ ഇന്‍സെക്ടിസൈഡ്സ് തുടങ്ങിയവായാണു ലോകത്തിലെ പ്രധാന എന്‍ഡോസള്‍ഫാന്‍ ഉല്‍പാദകര്‍. ബ്രസീല്‍, ഇന്ത്യ, ചില പടിഞ്ഞാറന്‍ ആഫ്രിക്കന്‍ രാജ്യങ്ങള്‍ എന്നിവിടങ്ങളില്‍  ഇപ്പോഴും ഇൌ കീടനാശിനി വ്യാപകമായി ഉപയോഗിച്ചു വരുന്നു. 1972ലെ സ്റ്റോക്ഹോം പ്രഖ്യാപനത്തിന്റെ ചുവടുപിടിച്ചു ലോകവ്യാപകമായി എന്‍ഡോസള്‍ഫാന്റെ ഉപയോഗം നിരോധിക്കണമെന്നാണു വിവിധ പരിസ്ഥിതി - ആരോഗ്യസംഘടനകളുടെ ആവശ്യം.

1950കളിലാണ് എന്‍ഡോസള്‍ഫാന്‍ ആദ്യമായി നിര്‍മിച്ചത്. അമേരിക്കയിലെ ബയാര്‍ ക്രോപ് സയന്‍സാണു നിര്‍മാതാക്കള്‍. 1954ല്‍ അംഗീകാരം നേടിയ ഇൌ മാരക കീടനാശിനി പിന്നീടു വിവിധ രാജ്യങ്ങളിലായി ഉപയോഗിക്കുകയും നിര്‍മിക്കുകയും ചെയ്തു. 2000ത്തില്‍ അമേരിക്കന്‍ പരിസ്ഥിതി സംരക്ഷണ ഏജന്‍സി (ഇപിഎ)യുടെ നിര്‍ദേശത്തെ തുടര്‍ന്നു വീടുകളിലും പൂന്തോട്ടങ്ങളിലും എന്‍ഡോസള്‍ഫാന്‍ ഉപയോഗിക്കുന്നതു നിരോധിച്ചു. 2002ല്‍ അമേരിക്കന്‍ മല്‍സ്യ-വന്യജീവി സംരക്ഷണ സമിതി (US Fish and Wildlife Service)  യുടെ നിര്‍ദേശപ്രകാരം എന്‍ഡോസള്‍ഫാന്‍ ഉപയോഗത്തില്‍ കൂടുതല്‍ നിയന്ത്രണങ്ങള്‍ ഏര്‍പ്പെടുത്തി.

2007ല്‍ രാജ്യാന്തര സമൂഹം ഇൌ കീടനാശിനിയുടെ വില്‍പ്പനയും ഉപയോഗവും നിയന്ത്രിക്കാനായി നടപടികള്‍ സ്വീകരിച്ചു തുടങ്ങി. സ്റ്റോക്ഹോം കണ്‍വന്‍ഷന്റെ അടിസ്ഥാനത്തില്‍ യൂറോപ്യന്‍ യൂണിയനാണ് എന്‍ഡോസള്‍ഫാന് ആദ്യമായി നിയന്ത്രണം ഏര്‍പ്പെടുത്തിയത്. എന്‍ഡോസള്‍ഫാന്റെ നിര്‍മാതാക്കളായ ബയാര്‍ ക്രോപ് സയന്‍സ് അമേരിക്കന്‍ വിപണിയില്‍ ഇപ്പോള്‍ ഇൌ കീടനാശിനി വില്‍ക്കുന്നില്ല. പകരം വിദേശരാജ്യങ്ങളില്‍ അവര്‍ നിര്‍ബാധം വില്‍പ്പന തുടരുകയും ചെയ്യുന്നു. 2010ല്‍ അമേരിക്ക എന്‍ഡോസള്‍ഫാന്റെ ഉപയോഗത്തില്‍ പൂര്‍ണമായ നിയന്ത്രണം കൊണ്ടുവന്നു.

. എന്‍ഡോസള്‍ഫാന്റെ വിഷാംശം
മനുഷ്യരുടെ അടക്കം സസ്തനികളിലെയും കീടങ്ങളിലെയും നാഡീവ്യവസ്ഥയെ തകര്‍ക്കുന്നതാണ് എന്‍സള്‍ഫാന്‍. 35 മില്ലിഗ്രാം എന്‍ഡോസള്‍ഫാന് ഒരു മനുഷ്യനെ കൊല്ലാന്‍ കഴിയുമെന്നാണു കണക്കാക്കിയിരിക്കുന്നത്. എന്നാല്‍ ഇപിഎയുടെ കണക്കു പ്രകാരം 0.015 മില്ലീഗ്രാമിനു പ്രായപൂര്‍ത്തിയായ ഒരാളെയും 0.0015 മില്ലീഗ്രാമിന് കുട്ടികളെയും കൊല്ലാന്‍ കഴിയുമെന്നാണ്. ഇപിഎ അപകടം കൂടിയ കീടനാശിനികളുടെ കൂട്ടത്തില്‍ എന്‍ഡോസള്‍ഫാനെ ഒന്നാം പട്ടികയില്‍ ഉള്‍പ്പെടുത്തുമ്പോള്‍ ലോകാരോഗ്യസംഘടന രണ്ടാം ഗണത്തിലാണ് എന്‍ഡോസള്‍ഫാനെ ഉള്‍പ്പെടുത്തിയിരിക്കുന്നത്.

. എന്‍ഡോസള്‍ഫാന്‍ സൃഷ്ടിക്കുന്ന ആരോഗ്യപ്രശ്നങ്ങള്‍
തൊലിയിലൂടെ വയറ്റിലും ശ്വാസകോശത്തിലും എത്തുന്ന എന്‍ഡോസള്‍ഫാന്‍ മനുഷ്യരില്‍ നാഡീവ്യൂഹ സംവിധാനത്തെ തകരാറിലാക്കും. ശ്വാസതടസ്സം, ഛര്‍ദി, ഡയേറിയ, ബോധം നഷ്ടപ്പെടുക തുടങ്ങിയവയും ക്രമേണ മരണവും സംഭവിക്കും. അമേരിക്ക, കൊളംബിയ, ബെനിന്‍, ഇന്ത്യ, മലേഷ്യ, സുഡാന്‍, ഫിലിപ്പീന്‍സ് തുടങ്ങിയ രാജ്യങ്ങളില്‍ എന്‍ഡോസള്‍ഫാന്‍ മൂലമുള്ള മരണങ്ങള്‍ റിപ്പോര്‍ട്ട് ചെയ്തിട്ടുണ്ട്. പടിഞ്ഞാറന്‍ ആഫ്രിക്കയിലെ പരുത്തിപാടങ്ങളില്‍ എന്‍ഡോസള്‍ഫാന്‍ ഉപയോഗം അനിയന്ത്രിതമാണെന്നു പഠനങ്ങള്‍ പറയുന്നു.

എന്‍ഡോസള്‍ഫാന്റെ ദീര്‍ഘകാല ഉപയോഗം വൃക്കകള്‍ക്കും കരളിലും തകരാര്‍ സൃഷ്ടിക്കും. കാന്‍സര്‍, ശാരീരിക വൈകല്യങ്ങള്‍, ബുദ്ധിമാന്ദ്യം, മാനസികാസ്വാസ്ഥ്യം തുടങ്ങിയവയും. ആസ്തമ, ബ്രോങ്കൈറ്റീസ്, അലര്‍ജി, ചര്‍മരോഗങ്ങള്‍, ഗര്‍ഭസ്ഥ സംബന്ധമായ രോഗങ്ങള്‍, കുട്ടികള്‍ക്ക് രോഗപ്രതിരോധ ശക്തി കുറഞ്ഞു വരിക, തലമുടിയുടെ നിറം മങ്ങല്‍ തുടങ്ങി ഒട്ടേറെ രോഗങ്ങള്‍ക്കു വഴിതെളിക്കും. മനുഷ്യരെ കൂടാതെ കന്നുകാലികള്‍, മറ്റു ജീവവര്‍ഗങ്ങള്‍ എന്നിവയ്ക്കെല്ലാം എന്‍ഡോസള്‍ഫാന്‍ ദോഷങ്ങള്‍ സൃഷ്ടിക്കുന്നുണ്ട്.

കാസര്‍കോട്ടെ ഗ്രാമങ്ങളില്‍ നടത്തിയ പഠനത്തില്‍ ആണ്‍കുട്ടികളില്‍ ലൈംഗീകപ്രായം വൈകുന്നതായി കണ്ടെത്തി. കൂടാതെ ജനിതക വൈകല്യങ്ങളും ഇവിടെ കണ്ടെത്തി. എന്‍ഡോസള്‍ഫാന്‍ ഉപയോഗിച്ചിരുന്നു തോട്ടങ്ങള്‍ക്കു സമീപത്തുള്ള ഗര്‍ഭിണികള്‍ക്കുണ്ടാകുന്ന ഭൂരിഭാഗം കുട്ടികളിലും ഒാട്ടിസം കാണപ്പെടുന്നതായി കാലിഫോര്‍ണിയായിലെ പൊതുആരോഗ്യ വകുപ്പ് 2007ല്‍ കണ്ടെത്തിയിരുന്നു. സത്രീകളില്‍ സ്തനാര്‍ബുദത്തിനും ഇതു കാരണമാകുന്നു.

.എന്‍ഡോസള്‍ഫാനും മരണങ്ങളും
എന്‍ഡോസള്‍ഫാന്‍ അതിന്റെ ക്രൂരത ഏറ്റവും കൂടുതല്‍ കാണിച്ചിട്ടുള്ളത് നമ്മുടെ കേരളത്തിലാണ്. പ്ലാന്റേഷന്‍ കോപ്പറേഷന്റെ കീഴിലുള്ള കശുമാവിന്‍ തോട്ടങ്ങളില്‍ ഹെലികോപ്ടറില്‍ നടത്തിയ അനിയന്ത്രിതമായ മരുന്നു തളി മൂലം ഇതുവരെ 200 അധികം മരണങ്ങള്‍ സംഭവിച്ചതായാണു അനൌദ്യോഗിക കണക്കുകള്‍. എന്‍ഡോസള്‍ഫാന്റെ ഉപയോഗം നിമിത്തം ഇതിലും എത്രയോ പേര്‍ മരണാസന്നരായി കാസര്‍കോട്ടെയും അതിര്‍ത്തിയിലെ കര്‍ണ്ണാടക ഗ്രാമങ്ങളിലുമായി ജീവിക്കുന്നു.

ബെനിനിലെ ബോര്‍ഗാവ് പ്രവശ്യയില്‍ 1999നും 2000ത്തിനും ഇടയില്‍ 37 പേര്‍ എന്‍ഡോസള്‍ഫാന്‍ ഉപയോഗിച്ചതിന്റെ ഫലമായി കൊല്ലപ്പെട്ടു. നൂറുകണക്കിനു പേര്‍ക്കു ഇവിടെ ഗുരുതരമായ ആരോഗ്യപ്രശ്നങ്ങള്‍ ഉണ്ടായി. എഴുപതോളം പേര്‍ക്കു ഇവിടെ ജീവന്‍ നഷ്ടപ്പെട്ടതായാണു അനൌദ്യോഗിക കണക്കുകള്‍.

കുടിവെള്ളത്തിലും കാര്ബ ണ്

2011-03-20T04:44:00.000-07:00

കുടിവെള്ളത്തില്‍ കാര്‍ബണ്‍ ഡൈ ഓക്സൈഡ് കലര്‍ന്നാല്‍ എങ്ങനെ യുണ്ടെന്നു സങ്കല്‍പിക്കൂ. അത്തരമൊരു അവസ്ഥയിലാണ് ഇന്നു ലോകം. ആഗോള താപനത്തിന്റെ ശക്തി കുറയ്ക്കാന്‍ ഈ ഹരിതഗൃഹ വാതകം ഭൂമിക്കടിയിലേക്ക് വിടുന്നതാണ് ഭൂഗര്‍ഭ ജലത്തിലൂടെ കുടിവെള്ളത്തിലെത്തുന്നത്. ഡ്യൂക്ക് യൂണിവേഴ്സിറ്റിയിലെ പ്രഫസര്‍ റോബര്‍ട്ട് ബി. ജാക്സണ്‍ന്റെ നേതൃത്വത്തിലാണ് ഇതു സംബന്ധിച്ച പഠനം നടന്നത്.

ഒരു വര്‍ഷം നീണ്ടു നിന്ന പഠനത്തിലാണ് മലിനീകരണത്തിന്റെ തോത് 10% വര്‍ധിച്ചതായി സംഘം കണ്ടെത്തിയത്. ചിലയിടങ്ങളില്‍ ഇതു വളരെ കൂടുതലാണ്. അമേരിക്കയിലെ നാലിടങ്ങളില്‍ നിന്നെടുത്ത ഭൂര്‍ഭ ജലം പരിശോധിച്ചാണ് സംഘത്തിന്റെ ഈ കണ്ടെത്തല്‍. ഭൂമിക്കടിയില്‍ കാര്‍ബണ്‍ ഡൈ ഓക്സൈഡ് സൂക്ഷിച്ചു വയ്ക്കുന്നത് ആഗോള താപനത്തെ കുറയ്ക്കും. ഈ പ്രക്രീയയെ ജിയോസെക്വസ്ട്രേഷന്‍ എന്നാണ് വിളിക്കുന്നത്. ലോകമെങ്ങുമുള്ള സര്‍ക്കാരുകളും വ്യവസായികളുമാണ് കാര്‍ബണ്‍ ഡൈ ഓക്സൈഡ് വായുവില്‍ കലര്‍ന്ന് ഭൂമിയിലെ ചൂട് കൂടാതിരിക്കാന്‍ ഇങ്ങനെ സൂക്ഷിക്കുന്നത്. വാതകം പുറത്തുവിടുന്നിടത്തു നിന്നു തന്നെ അതു പിടിച്ചെടുത്ത് ദീര്‍ഘകാലം സൂക്ഷിച്ചു വെക്കാവുന്ന രീതിയില്‍ ഭൂമിക്കടിയിലേക്ക് ഇഞ്ചക്ട് ചെയ്യുകയായിരുന്നു പതിവ്. ഇങ്ങനെ ചെയ്യുന്നത് കുടിവെള്ളത്തെ മലിനപ്പെടുത്തുമെന്നതിനാല്‍ തദ്ദേശീയമായ എതിര്‍പ്പു നേരിടുന്നുണ്ട്. പുറം ലോകം അറിയുന്നില്ലന്നേ ഉള്ളൂ.

പ്ളാസ്റ്റിക് കൊണ്ടൊരു ഇക്കോഐലന്ഡ്

2011-03-20T04:39:00.000-07:00

കേള്‍ക്കുമ്പോള്‍ അതിശയം തോന്നാം. എങ്കിലും സംഗതി സത്യമാണ്. 44 ദശലക്ഷം കിലോ പ്ളാസ്റ്റിക് പാഴ്വസ്തുക്കള്‍ കൊണ്ട് ഡച്ച് ശാസ്ത്രജ്ഞരാണ് ഹവായ് ദ്വീപിന്റെ വലുപ്പം വരുന്ന ഒരു ദ്വീപിന്റെ നിര്‍മാണത്തില്‍ ഏര്‍പ്പെട്ടിരിക്കുന്നത്. പസഫിക് സമുദ്രത്തില്‍ ഇപ്പോള്‍ ഒഴുകിനടക്കുന്ന പ്ളാസ്റ്റിക് വേസ്റ്റ് കൊണ്ടാകും ഭാവിയിലേയ്ക്ക് പാരിസ്ഥിതിക ഉള്‍ക്കാഴ്ച നല്‍കുന്ന റീസൈക്കിള്‍ഡ് ദ്വീപ് ഉണ്ടാക്കുക.

ദ്വീപിനെ നിലനിര്‍ത്താന്‍ സൌരോര്‍ജവും തിരമാലകളില്‍ നിന്നുള്ള ഊര്‍ജവും ഉപയോഗിക്കും. ഇറ്റലിയിലെ വെനീസിനു സമാനമായി 5 ലക്ഷംപേരാകും ദ്വീപുനിവാസികള്‍.

ഈ ആശയത്തിനു പിന്നില്‍ പ്രാധാനമായും മൂന്ന് ലക്ഷ്യങ്ങളാണുള്ളത്. ഭീമാകാരമായ അളവില്‍ കുന്നുകൂടിയ പ്ളാസ്റ്റിക് പാഴുകളില്‍ നിന്നും നമ്മുടെ സമുദ്രത്തെ വൃത്തിയാക്കുക, പുതിയ കരപ്രദേശം സൃഷ്ടിക്കുക, ഒരു സുസ്ഥിര ഹാബിറ്റാറ്റ് നിര്‍മിക്കുക എന്നിവയാണവ.

പ്ളാസ്റ്റിക് പാഴ്വസ്തുക്കളെ അപ്പോള്‍തന്നെ സംസ്കരിക്കാനും (recycle) അതിനെ ഒഴുകിനടക്കുന്ന വസ്തു (ദ്വീപ്) വിനോട് ചേര്‍ക്കാനുമുള്ള സാധ്യതകളെ സംസ്കൃതദ്വീപ് ആരായുന്നുണ്ട്.

വടക്കന്‍ പസഫിക്കില്‍ പ്ളാസ്റ്റിക്കിലെ ആ സ്ഥലത്തുവച്ചുതന്നെ സംസ്കരിക്കാനും പൊള്ളയായ ഒഴുകിനടക്കുന്ന ബ്ളോക്കുകളാക്കാനും ഇവയെ പതിനായിരം സ്ക്വയര്‍ കിലോമീറ്റര്‍ (3861 സ്ക്വയര്‍മൈല്‍) വരുന്ന ദ്വീപിന്റെ അടിത്തറയാക്കാനും ആലോചിക്കുന്നു. ദ്വീപില്‍ കൃഷിക്കായി ഒരു വലിയഭാഗം നീക്കിവയ്ക്കാനും പദ്ധതിയുണ്ട്. ദ്വീപുനിവാസികള്‍ക്ക് ഭക്ഷണവും തൊഴിലും നല്‍കുന്നതോടൊപ്പം തികച്ചും സ്വയംപര്യാപ്തമായ ഒരു ഡിസൈന്‍ (മാതൃക) ആണ് തയാറാക്കിയിരിക്കുന്നത്.

ഇത് പോറലുകളില്‍ നിന്നും ഒഴുകിനടക്കുന്ന ഒരു ആവാസവ്യവസ്ഥ സൃഷ്ടിക്കുന്നതോടൊപ്പം പ്ളാസ്റ്റിക് മാലിന്യത്തില്‍ നിന്നും സമുദ്രത്തിന്റെ ഒരു വലിയ ഭാഗം വൃത്തിയാക്കുകയും ചെയ്യും.

ജപ്പാനിൽ ഭൂകമ്പം, സുനാമി നിരവധി മരണവും നാശനഷ്ടവും.....

2011-03-11T19:02:00.000-08:00

കാലവസ്ഥ വ്യതിയാനം ദൈവത്തിന്റെ സ്വന്തം നാട്ടിൽ PART 4

2011-02-26T23:54:00.000-08:00

കാലവസ്ഥ വ്യതിയാനം ദൈവത്തിന്റെ സ്വന്തം നാട്ടിൽ PART 3

2011-02-26T23:43:00.000-08:00

കാലവസ്ഥ വ്യതിയാനം ദൈവത്തിന്റെ സ്വന്തം നാട്ടിൽ PART 2

2011-02-14T21:44:00.000-08:00

കാലവസ്ഥ വ്യതിയാനം ദൈവത്തിന്റെ സ്വന്തം നാട്ടിൽ PART I

2011-02-12T20:57:00.000-08:00

നാമെല്ലാം ലജ്ജിക്കേണം , ഈ ലോകത്തിലാണല്ലോ നാം ജീവിക്കുന്നത്.....

2011-02-06T22:28:00.000-08:00

ആഗോള താപനത്തിനെതിരെ എളിയ ആയുധങ്ങള്

2011-02-04T09:32:00.001-08:00

ഭൂമിക്ക് നിങ്ങളെ ആവശ്യമുണ്ട്. നിങ്ങളുടെയും ഭാവിതലമുറകളുടേയും നിലനില്‍പ്പിനുവേണ്ട സാഹചര്യമൊരുക്കാന്‍. ആഗോളതാപനത്തിലേക്കു നയിക്കുന്ന കാലാവസ്ഥാ വ്യതിയാനത്തിനു തടയിടാനുള്ള ശ്രമത്തിലാണ് ലോകമെമ്പാടുമുള്ള പരിസ്ഥിതി പ്രേമികള്‍. കൊച്ചുകൊച്ചു കാര്യങ്ങളില്‍ ശ്രദ്ധിച്ചു നമുക്കും ഈ കൂട്ടായ്മയുടെ ഭാഗമാകാം.

വൈദ്യുതി ദീപങ്ങളുടെ ഉപയോഗം കുറയ്ക്കുക, പൊതുവാഹനങ്ങള്‍ പ്രയോജനപ്പെടുത്തി സ്വകാര്യവാഹനങ്ങളുടെ ഉപയോഗം കുറയ്ക്കുക, മരത്തെകള്‍ നടുക, പ്ളാസ്റ്റിക്, ഫ്ളക്സ് തുടങ്ങി പ്രകൃതിയോടിണങ്ങാത്ത വസ്തുക്കളുടെ ഉപയോഗം നിയന്ത്രിക്കുക, വസ്തുക്കളുടെ പുനഃചക്രമണം പ്രോല്‍സാഹിപ്പിക്കുക തുടങ്ങി ഒട്ടേറെക്കാര്യങ്ങള്‍ പ്രകൃതിക്കുവേണ്ടി നമുക്കുചെയ്യാനുണ്ട്.

1) രാവിലെ പല്ലുതേക്കുമ്പൊഴും ഷേവ് ചെയ്യുമ്പൊഴും ടാപ്പ് തുറന്നിടാതെ ആവശ്യസമയത്തു മാത്രം തുറക്കുകയും അടയ്ക്കുകയും ചെയ്യുക.

2) ഫിലമെന്റ് ബള്‍ബുകള്‍ക്കു പകരം സിഎഫ് ലാംപുകള്‍, സോളാര്‍ ലാംപുകള്‍, എല്‍ഇഡി ലാംപുകള്‍ എന്നിവ ഉപയോഗിക്കുക.

3) ഇലക്ട്രിക് അയണ്‍ ഉപയോഗിച്ച് ഇസ്തിരിയിടുമ്പോള്‍ ഒരാഴ്ചത്തേക്കുള്ള തുണികള്‍ ഒന്നിച്ചെടുക്കുക. ഓരോ തവണയും അയണ്‍ ബോക്സ് ചൂടാകാനെടുക്കുന്ന വൈദ്യുതി ലാഭാക്കാം.

4) ഷവറിനു കീഴെ കുളിക്കുന്നതിനു പകരം പാത്രത്തില്‍ വെള്ളമെടുത്ത് ഒഴിച്ചു കുളിച്ചാല്‍ ജലം പാഴാവുന്നത് ഒഴിവാക്കാം.

5) ഡിസ്പോസിബിള്‍ റേസറുകള്‍ക്കു പകരം മാറ്റിയിടാവുന്ന ?ഡുകളുള്ള ഷേവിങ് സെറ്റോ ഇലക്ട്രിക് റേസറുകളോ ഉപയോഗിക്കുക.

6) വാഹനങ്ങള്‍ ഗതാഗതക്കുരുക്കളിലോ മറ്റോ ഏറെനേരം നിര്‍ത്തിയിടേണ്ടിവരുമ്പോള്‍ എന്‍ജിന്‍ ഓഫ് ചെയ്യുക.

7) കൃത്യമായ ഗിയറിലും നിര്‍ദേശിക്കപ്പെട്ട വേഗതയിലും മാത്രം വാഹനം ഓടിക്കുക. ടയറുകളില്‍ നിര്‍ദേശിക്കപ്പെട്ട മര്‍ദം ഓരോ യാത്രയിലും ഉറപ്പാക്കുക.

8) പ്ളാസ്റ്റിക് ഡിസ്പോസിബിള്‍ ഗാസുകളുടേയും പ്ളേറ്റുകളുടേയും ഉപയോഗം പൂര്‍ണമായും ഉപേക്ഷിക്കുക.

9) ഓരോ തവണയും പ്ളാസ്റ്റിക് ബോട്ടിലുകളില്‍ മിനറല്‍ വാട്ടറുകള്‍ വാങ്ങാതെ, സ്ഥിരമായി കുടിവെള്ളം ഒരേ കുപ്പിയില്‍ എടുക്കുക.

10) പാനീയങ്ങള്‍ കുടിക്കുമ്പോള്‍ സ്ട്രോ ഉപയോഗിക്കാതിരിക്കുക.

11) ഷോപ്പിങ്ങിനു പോകുമ്പോള്‍ പ്ളാസ്റ്റിക് കവറുകള്‍ വാങ്ങിക്കൂട്ടാതിരിക്കാന്‍ ഒരു തുണിസഞ്ചി കയ്യില്‍ കരുതുക.

12) റൈറ്റിങ് പാഡുകള്‍ ഉപയോഗിക്കുമ്പോള്‍ ഒരുഭാഗത്തുമാത്രം എഴുതുന്നതിനു പകരം ഇരുവശത്തും എഴുതുക.

13) പ്രിന്ററുകളിലും ഫൊട്ടോസ്റ്റാറ്റ് മെഷീനുകളിലും പേപ്പര്‍ ഉപയോഗിക്കുമ്പോഴും ഇരുവശവും പ്രയോജനപ്പെടുത്തുക.

14) പേപ്പറുകള്‍ ഉള്‍പ്പെടെ പുനഃചക്രമണം ചെയ്യാവുന്ന ഉല്‍പ്പന്നങ്ങളെല്ലാം പുനഃചംക്രമണം ചെയ്യുക. പുനരുപയോഗം സാധ്യമാവുന്നവയെല്ലാം പുനരുപയോഗിക്കുക.

15) പരമാവധി വൃക്ഷത്തെകള്‍ നട്ടുപിടിപ്പിക്കുക.

ഇവിടെ ഒരു പുഴ ഒഴുകിയിരുന്നു....

2011-02-02T01:21:00.000-08:00

കേരളീയ സംസ്കാരത്തിന്റെ പിള്ളത്തൊട്ടിലാണ് ഭാരതപ്പുഴ. ഈ പുഴയുടെ തീരങ്ങളില്‍ കുഞ്ചനും തുഞ്ചനും ജനിച്ചുവളര്‍ന്നു. കേരളീയ സംസ്കാരത്തെ വാനോളം ഉയര്‍ത്തിയ ഈ പുഴയുടെ നിറഞ്ഞ അസ്തിന്യം എത്രയെത്ര സര്‍ഗമനസുകളെ പ്രചോദിതമാക്കിയിട്ടില്ല. എന്നാല്‍ ഇന്ന് ഈ തായ്നദിയുടെ ഗതിയെന്താണ്? വര്‍ഷത്തില്‍ പത്തുമാസവും വറ്റിക്കിടക്കുന്ന പുഴ ഭാരതപ്പുഴ എന്നല്ലാ ഭാരതപ്പൂഴി എന്നാണ് പറയേണ്ടത്. ഇവിടെ ഒരു പുഴ ഉണ്ടായിരുന്നു എന്നു പറഞ്ഞറിയേണ്ട ഗതികേട് വന്നു ചേര്‍ന്നിരിക്കുന്നു.

ഭൂമി മരണാസന്നം; പ്രതി നമ്മള്

2011-01-30T00:22:00.000-08:00

ഭൂമി മരണാസന്നം; പ്രതി നമ്മള്‍

നമ്മളെ കാത്തിരിക്കുന്നതു ദുരന്തത്തിന്റെ നാളുകളാണ്. ഭൂമിക്കു പൊള്ളുന്ന പനി പിടിച്ചിരിക്കുന്നു. ഇങ്ങനെ പോയാല്‍ ഭൂമിയുടെ കാര്യം പോക്കുതന്നെ. പിന്നെ നമ്മുടെ കാര്യം പറയാനുണ്ടോ. പേടിപ്പിക്കുന്നതാണ് ആ ചിന്തകള്‍ പോലും.പരിസ്ഥിതി ദുരന്തങ്ങള്‍ നമ്മുടെ ഭൂമിയെ കുഴപ്പത്തിലാക്കുന്നുവെന്നതിന് ഇത്ര നാളും ആരും വലിയ പ്രാധാന്യം നല്‍കിയിരുന്നില്ല. ഇപ്പോഴിതാ ദുരന്തം പടിവാതില്‍ക്കലാണെന്നറിയുമ്പോള്‍ ലോകം ഉണര്‍ന്നുതുടങ്ങി.

ഭൂമിക്കു പനി കൂടിക്കൊണ്ടേയിരിക്കുന്നു. സൂര്യന്റെ അഗ്നിവര്‍ഷത്തില്‍ സര്‍വം കത്തിച്ചാമ്പലാവുന്ന കാലമാണു നമ്മെ കാത്തിരിക്കുന്നത്. ദിനംപ്രതി അന്തരീക്ഷത്തിലെത്തിച്ചേരുന്ന കാര്‍ബണ്‍ ഡൈഒാക്സൈഡ്, മീഥേന്‍, നൈട്രസ് ഒാക്സൈഡ്, ക്ളോറോ ഫ്ലൂറോ കാര്‍ബണുകള്‍, നീരാവി തുടങ്ങിയ ഹരിതഗൃഹ വാതകങ്ങളുടെ തോതു കൂടിക്കൊണ്ടേയിരിക്കുന്നു.ഇവ ഒരു പുതപ്പുപോലെ പ്രവര്‍ത്തിച്ച് സൂര്യപ്രകാശത്തിലുള്ള ഇന്‍ഫ്രാറെഡ് കിരണങ്ങളെ പുറത്തേക്കു വിടാതെ തടഞ്ഞുനിര്‍ത്തും. ഹരിതഗൃഹ പ്രഭാവം എന്ന ഇൌ പ്രതിഭാസം ഭൂമിയുടെ താപനില ഉയര്‍ത്തും. അങ്ങനെ ചൂടുകൂടുന്നതാണ് ആഗോള താപനം .

കല്‍ക്കരി, പെട്രോളിയം, പ്രകൃതിവാതകം തുടങ്ങിയ ഫോസില്‍ ഇന്ധനങ്ങളുടെ ജ്വലനവും വിവേചനരഹിതമായ വ്യവസായ പ്രവര്‍ത്തനങ്ങളും കാരണം അന്തരീക്ഷത്തിലെത്തിച്ചേരുന്ന ഗ്രീന്‍ ഹൌസ് വാതകങ്ങളുടെ അളവു വര്‍ധിച്ചുകൊണ്ടേയിരിക്കുന്നു. നമ്മുടെ രക്ഷാകവചമായ ഒാസോണ്‍ പാളിയുടെ നാശവും വനനാശവുമൊക്കെ ആഗോളതാപനത്തിന് ആക്കം കൂട്ടുന്നു.
അന്റാര്‍ട്ടിക്കിലെ ഐസ് പാളികള്‍ പറയുന്നതും ഞെട്ടിപ്പിക്കുന്ന വിവരങ്ങള്‍ തന്നെ. കഴിഞ്ഞ എട്ടു ലക്ഷം വര്‍ഷങ്ങളില്‍ അന്തരീക്ഷത്തില്‍ ഏറ്റവും കൂടിയ തോതില്‍ കാര്‍ബണ്‍ ഡൈ ഒാക്സൈഡ് ഉള്ളത് ഇപ്പോഴാണ്.ഇന്റര്‍ ഗവണ്‍മെന്റല്‍ പാനല്‍ ഒാണ്‍ ക്ളൈമറ്റ് ചെയ്ഞ്ച് (ഐപിസിസി) നല്‍കുന്ന മുന്നറിയിപ്പ് അനുസരിച്ച് ഇൌ നൂറ്റാണ്ടില്‍ ഭൂമിയുടെ ഉപരിതല താപം 1.4 ഡിഗ്രി സെല്‍ഷ്യസ് മുതല്‍ 5.8 ഡിഗ്രി സെല്‍ഷ്യസ് വരെ ഉയരാം. കഴിഞ്ഞ 150 വര്‍ഷങ്ങളെടുത്താല്‍ ഏറ്റവും ചൂട് കൂടിയ 11 വര്‍ഷങ്ങളും 1995നു ശേഷമായിരുന്നു.

ബ്രിട്ടനിലെ ഹാഡ്ലി സെന്റര്‍ ഇൌയിടെ പുറത്തുവിട്ട റിപ്പോര്‍ട്ട് അനുസരിച്ചു രേഖപ്പെടുത്തിയതില്‍വച്ച് ഏറ്റവും ചൂട് കൂടിയ വര്‍ഷം 2007 ആണ്. പസഫിക് സമുദ്ര മേഖലയില്‍ എല്‍നിനോ എന്ന കാലാവസ്ഥാ പ്രതിഭാസം ശക്തിപ്രാപിച്ചതാണു കാരണം.

മഞ്ഞില്‍നിന്ന് മരുഭൂമിയിലേക്ക്...
മഞ്ഞുമൂടിക്കിടക്കുന്ന ധ്രുവപ്രദേശങ്ങളില്‍ മഞ്ഞില്ലാതാവുന്ന കാലം അകലെയല്ല. ആര്‍ട്ടിക്കിലെ ഐസ് ഒാരോ പത്തു വര്‍ഷത്തിലും എട്ടു ശതമാനം വീതമാണു കുറയുന്നത്. ഇങ്ങനെ പോയാല്‍ 2060 ആകുമ്പോഴേക്കും ആര്‍ട്ടിക്കില്‍ മഞ്ഞില്ലാതാവും. അന്റാര്‍ട്ടിക്കിലാണെങ്കില്‍ കഴിഞ്ഞ 50 വര്‍ഷത്തിനിടെ ഉരുകിത്തീര്‍ന്നത് 13,000 സ്ക്വയര്‍ കിലോമീറ്റര്‍ സമുദ്ര ഐസാണ്. ആര്‍ട്ടിക് ധ്രുവത്തില്‍ ഏകദേശം 125 വന്‍ തടാകങ്ങളും അപ്രത്യക്ഷമായി.

മലകളില്‍ മഞ്ഞുരുകുന്നു
ഇൌയിടെ പുറത്തുവന്ന യുഎന്‍ പരിസ്ഥിതി റിപ്പോര്‍ട്ട് അനുസരിച്ച് 2035ന് അകം ഹിമാലയത്തിലെ മഞ്ഞ് മുഴുവന്‍ ഉരുകിത്തീരും. ആഫ്രിക്കയില്‍ കിളിമഞ്ചാരോ പര്‍വതത്തിന്റെ മഞ്ഞുമേലാപ്പ് ഉരുകി നീങ്ങിത്തുടങ്ങി. 20 വര്‍ഷത്തിനുള്ളില്‍ ഇത് പൂര്‍ണമായും ഉരുകിത്തീരും. എവറസ്റ്റിലെ മഞ്ഞും അതിവേഗം ഉരുകുന്നുവെന്നു ചൈനീസ് ശാസ്ത്രജ്ഞര്‍ മുന്നറിയിപ്പ് നല്‍കുന്നു. 2002ല്‍ ചൈനീസ് ശാസ്ത്ര പര്യവേക്ഷണ സംഘം 5,600 മീറ്റര്‍ ഉയരത്തില്‍ കണ്ടെത്തിയ ഒരു മഞ്ഞു ശിഖരം 2005ല്‍ അപ്രത്യക്ഷമായി. ടിബറ്റന്‍ പീഠഭൂമിയിലെ ഹിമാനികളും ആല്‍പൈന്‍ ഹിമാനികളുമൊക്കെ അതിവേഗമാണു ചുരുങ്ങിക്കൊണ്ടിരിക്കുന്നത്.

കടലും കലിതുള്ളുന്നു
ഭൂമിയുടെ പ്രകൃതിദത്ത താപനിയന്ത്രണ സംവിധാനമായ മഞ്ഞുപാളികള്‍ ഉരുകിത്തീര്‍ന്നാല്‍ ആഗോള കാലാവസ്ഥ തന്നെ തകിടംമറിയും. സമുദ്ര ജലവിതാനമുയരുകയും പല താഴ്ന്ന പ്രദേശങ്ങളും വെള്ളത്തിനടിയിലാവുകയും ചെയ്യും. ഐപിസിസി റിപ്പോര്‍ട്ട് അനുസരിച്ച് 2100ല്‍ ആഗോള സമുദ്ര വിതാനം 77 സെന്റിമീറ്റര്‍ വരെ ഉയരാം. സമുദ്രജലത്തില്‍ ലയിച്ചുചേരുന്ന കാര്‍ബണ്‍ ഡൈ ഒാക്സൈഡിന്റെ അളവു കൂടിയതോടെ സമുദ്രജലം അമ്ളമയമായിത്തുടങ്ങിയിരിക്കുന്നു. കടലിന്റെ ഉദ്യാനമായ പവിഴപ്പുറ്റുകളുടെയും മത്സ്യസമ്പത്ത് അടക്കമുള്ള ജൈവസമ്പത്തിന്റെയും നാശമാവും ഫലം.

നദികൾ (ജീവന്റെ ഉറവിടം) മരിക്കുന്നൂ......?

2011-01-22T11:27:00.000-08:00

അമ്മയെ ആക്രമിച്ചാൽ നാം അടങ്ങിയിരിക്കുമോ?
എന്നാൽ എണ്ണമറ്റ തലമുറകൾക്ക് അമ്മയായ നിളയൂടെ
മാറ്‌ പിളർന്ന് വിറ്റ് കാശാക്കുമ്പോൾ വരേണം നാമെല്ലാം
ജീവൻ നല്കി അമ്മയെ രക്ഷിക്കാൻ,
വരില്ലേ നിങ്ങൾ......?എന്റെ അമ്മയെ രക്ഷിക്കാൻ.....
പ്രകൃതിയെ വേദനിപ്പിക്കരുത്,
കാരണം ഇരിക്കുന്ന ശിഖിരത്തെ ആരും മുറിക്കില്ലല്ലോ.

കേരളം ഭ്രാന്താലയം - സ്വാമി വിവേകാനന്ദൻ (തെളിവിനായി ചുവടെയുള്ള വീഡിയോ ലിങ്ക് ക്ളിക്ക് ചെയ്യുക)

2011-01-22T10:42:00.000-08:00

ജീവചരിത്രം - മദർ തെരേസ [Biography of Mother theresa]

2011-01-21T20:06:00.000-08:00

ജീവചരിത്രം - ഗാന്ധിജി [Biography - Gandhiji

2011-01-21T19:03:00.000-08:00

എന്റെ ഗ്രാമം (My mother land)

2011-01-21T02:11:00.000-08:00

Think before anger

2011-01-20T23:34:00.000-08:00

While a man was polishing his new car, his 4 yr old son picked stone & scratched lines on the side of the car. In anger, the man took the child's hand & hit it many times, not realizing he was using an iron wrench. At the hospital, the child lost all his fingers due to multiple fractures. When the child saw his father...with painful eyes he asked 'Dad when will my fingers grow back?'

Man was so hurt and speechless. He went back to car and kicked it a lot of times.

Devastated by his own actions...... sitting in front of that car he looked at the scratches, child had written 'LOVE YOU DAD'.

The next day that man committed suicide....

Anger and Love have NO LIMIT - choose the latter to have a beautiful & lovely life....

THINGS are meant to be USED and PEOPLE are to be LOVED,

..But the problem of today's world is that...

People are used & Things are loved!!!

One can change if ONE wants to!

Always events management Co. Ltd.

2011-01-20T23:29:00.001-08:00